POLITICS EI THATTU LEH EI SUDAMTU
✍️ LC Neihsial
Langsaltak in houlimna umnailo male khat le ni kihona a hin ahungtung ding Manipur Assembly General Election 2022 hi athu gi hetdi aum pantai tilen kigen khial puan ah.
Tuchung Election hundi hui in eimutkha chu hitei ding a hia. Keile changkhatpu lunggel a chun ngaituana tamtak ahung kilang demdum pantai. Ahinla hungtung intin banggual gual ah panlakna a hung um kik diam tihi pa chingthei ten dipdawm kawm in lathil pan tangei ding a hiu.
Ahim him ah MLA ding chu banggual mi a hingai maw? Eiuh chiadan hi MLA iut a hileh Sum tampi neidi, Hausak ngai, UGs support ngai, Chief Association support ngai, Rulling party support ngai. ziasia hi lamu zaw leh MLA chu kaidi tithei nagam ah cheng chu a himai ui tileng genkhial lawmlawm sam puangka.
Keimudan a chun MLA kiti chu democracy gam a chengte a ding achun athupi mama ah, sum a lei ah, vote capture bawl ah vating mai hin chu i Gam leh i Nam damna hikei loudi ahidan eimusak hi. MLA chu Legislators nasem, Dan (Constitution) siamtu ahiu ah Judiciary tehi a enkoltu maimai hi in.Executive tehi asemdawktu ahimai ua. Zialak a chun Legislature idan kivaipuak didan siamtu telding ihinau ua hin vak ngaitua tiam in. Thagum le sum hat ah, zia dinmun chu valua guat hamham ah chitna pilna lam ah titna neilou gamsung kivaipuak di dan siamtu pan guat hamham zingziang mai hichu a hilou deu hitalou hem? Ziate chu mipi hinle pawm pawm nalai dile ihiu em?
Thiangtak a gen a chu Manipur ah politician hiding achu criteria dang umbek lou, Sum tampi nei pawimaw masa pen ah, a dang thil dang a ngai puai. Sum nei te ading achu Gamsung vaihawmna chutpha a vachut kha kingam maidan ahi. Zia hi chu thilkhok tak chu eivei!!!
Sum neiphot di ihung ngaitua ua, mipi lungsiat nate, hetna lam a nasatak a kizilte, poltics leh good governance banggual tilam ngaisakna sangin sum nei masak tup in Sum a ngawlna nei-ngal in, Hausak ut in mihausa ten thil abawl thei ui, ti ihet mama ziak un Thutakna, Pilna, Thiamna haw zosia taisan in sum ma ihawl masa pen ua, Zia chun nekgukna lungthim eiputsak ngal a hi.
Sum bepnei techun Legislator hiding tup in pan hungla kik ngeiding ahiu ah. Tukhang tiangtiang ah, MLA kai theina ding ahi nak leh mi hing hinna le la ngam hialkhop ah lungthim chapou te ahungting ualeh vangchu Igamsung maban dingchu thimpi zing a himai hi.
Assembly ah mipi thasang ah Vaihawmtu dingchun a lunggul ding chu:-
Infrastructure
Education
Sports
Safety of Human Rights and Status
Peace and development
Unemployment problems
Upliftment of the poor people leh adang dang te ahiding ahi.
Achung ah kigente ading ahi Government a kipat in sum tampipi hungsek maleh, asaitute bep a hausak khawlo laisiau chu a tak hilo ah Kinepna bep tawh hing hing nalaidi ihi mai ui.
MLA te hinlah igam ua Solkar na a haksat dan hagen gen in agen ua, mipi te kianga a thuhil nau chu khut nasep ah nekhawl dingdan, khut nasep angaisan umdan leh midang ah kinga lou ah independent tak a khosak didan a hi. MLA khat in mikhat nga-du mama lamu le bazar a nga chawksak lou in ngamat didan zawk hilin ala ti.. himaleh ziagual a eithuhil tehin Government sepna aneupen akipat alianpen chan ahi atu leh chateu, insung kinaipi te adin akihawm sausau sek uh hilo hem? Aumdan hi khut nasep sanga chu sumlaw neihi aphazaw ala hidi dan ahi. Mipite ichan ding teu eilaksak ziak ua hi eigen mangpi pi uh hile hitan ah mawle.
Igam sungah Puitu pha, Thiamna neimi, Pathian laumi tuchung bek ah hi iteldaw ua mipi gentheite ading ah khawvak hun hi ahung tun thei taktak ding ahi le vangchuh ziabep chu mi gentheite Kinepna thak umsun chu hitan ah.
Ziagual ah i society chimtha ta a hoikik theiding Kinepna nei ah kitunding kikna ding a chu mipi hin le mawpuakna liantak inei ua, Zia mawpuakna chu 2022 election tak hileh challenge ah la in pan nasatak ah lak khawm chu khangthak te tup le ngim hitei tading in kamui.
—————————
GetinLamka Cabs Services 24×7,Imphal, Churachandpur.
