3rd Sept 2021 | Kanam Vaiphei
KIPAKTHU GENNA
Ka suapipa Haemoglobin tawm ziak ah District Hospital Churachandpur ah Admit in a um ah, Doctor thupiak dungzui in thisan hi Unit 5 akinlam ah khai ngai ding ahi ti’n eihil ah thisan ka pawimaw teu eipethei ding in dawt thei na zosia ka dawng ah thisan ka pawimaw zat hi mutalou ding ka hi dia aw ti’n beidawng le lungkham tak ah ka um lai in LIANGVAITE GUALPHA YOUNG VAIPHEI ASSOCIATION, COMPOUND VENG UNIT te’n i Nam uh le ami asa a suapi’u thimun sual ah um ngaikhawk na le hepina liantak tawh a thisan uh itcha lou hial in kiphal tak in ka pawimaw zat uh Thisan Unit 5 eihun piak na chung un Pathian leh Y.V.A Compound Veng unit te chung in lunggil tak in ka kipak na thu ka hun puang hi.
Lalpa’n Y.V.A Compound Veng Unit thatham lou in mapui henla Liangvaite Gualpha na sem zing thei ding in damna leh hatna’n amau pui zing ta hen.
Beidawng le Lungkham tak ah ka umlai ah la hepi nau dawngtu
Nu Niangneu
S. Munnuam
Laksawn: Vaiphei Tawngsua
