MOTHER’S DAY DAWISAKNA THUCHA

*MOTHER’S DAY DAWISAKNA THUCHA*

*KOCHUAM NUTE ZOSIA *NUTE NI/NU NI* CHIBAI🤝*

 

Bible,PATHIAN thuhing apat tuni *NU Ni* ahina tawh kitawn in Numei/Nute ading bik in MESSAGES FROM THE BIBLE vak simkhawm in..kingaitua takzet in zui gua chiat leuhin LALPA Lunglam a kalsuan hiding ihiu hi.

 

Bible in Zite/ Numeite/NUTE mawpuakna leh luldan hoitakin a genchian mama ahi. Bible sungah a mawpuakna poimaw tak tak te haw Pathian in Nute/ numeite ala piakna aki mu hi. Pathian lungnatna ziak(Judgement) a Israelte chungah vaihawm (Judge) dingah numei ala guatna hawle a um hi. Jesu nungzuina leh Chanchinpha genzakna mawpuakna poimaw tak tak piak a um le aki mu hi. Christian innsung leh Christian te biakna Kochuam lamah Nute mawpuakna phatak a zilchian ding ahi. Biakna munah(hunah) Pate/Pawsalte leh Kochuam hotute/upate umna NUTE um chan ding hawle Bible in kichian takin ei zilsak ahi. Pathian ma mizosia hina niam zaw a um puan hinla mawpuakna leh bawl ding leh bawllo ding kichian takin ahun leh amun zilin a um hi. Tulai tawh kituak ta ti in Kochuamte biakna lamah mawpuakna iki piak dan uh hi pilvang poimaw mama ahi Tulai khawvel thil tawh kituak a Kochuam te ki enkawl(chiapi) ding ihi puau in BIBLE zilsakna gualah ki enkawl a, Kochuamten Pathian bia ding ihi zaw’u hi.

 

I gam sung hihenla, Biakna lam hitahenla ahiloleh society thilah le Bible in umchan(mawpuakna) ding ei gente haw hi Khristian Nute leh numei zosian i hetzing ua I zui zing dinguh ahi. Inn sungah za ding dawl, i ki tuklut nading uh ihe chian nau em? Biakna munah a i um dan dinguh i ngaitua dawk zel nau em?

I pawsal teu thunuai a um haksa mama leh Pawsal zalo, telek takah(rebel) khawsa zing ihiu em?

 

Pathian thu leh Pathian Kochuam hi genthiam, kamthiam hiloleh pil ziakah i chiapi danteu leh I ki enkawl danteu hi theng danglam lumlet lo ding ahi.

 

Pathian za tak tak leh Pathian Thu mat gua NUTE hi dingin panla thak chiat guai tiu. Khristian Nu lem, kamthiam leh kamhat a Khrista Kochuam thil a ki pei buai mai mai, hina diktak kisel tawl tawl i gam leh Biakna lam ahin atam ta mama hi. Ziagual NU ihi chun PATHIAN ei hechian leh ei muchian pa LUNGNATNA bawl zing ihi danuh kihet daw hun ahi tai!

Pathian za takah chate Pathian thu a kaihuai leh enkawl ihi nau em?

Nekguk chakguk leh gawlgukna bawllo a sum lalut ihi nau em NU te?

 

Mani Pawsal leh khawtang a Pawsal te mawpuakna chawpkan a tai vel vel ihiu em mi Nu te kingaitua phau in aw…

 

Kochuam leh biakna thil ahin le titak zet in Pathian Zana tawh Pathian zilsakna ngaikhawk thak kit dingin panla chiat hitiu.

*A kam hat, genthei leh khawksakna neilo NUTE khawvel leh kochuamte committe members hina kawpthiam ngen ihi khak ding uh lauthawng um ahi*. I kochuam sungua ningkom a mihet phaklo Pathian za Nu pha leh mantam hawldawk guai tiu. Khawvel thilah chaga genthei hinla Nu pha, Pathian za te pakcha thak kit hitiu.

Nute haw sepna nei un sum le tampi pi lawdawk um ding ihiu hi. Hinla sum lawdawk leh sepna nei ziakin Pathian in ei zilsakna Pawsal te za leh pawsal thuneina nuai a kitut luk kiam( bei) hilo ahi. Ki tuklutna chu Khristian nute bawl ding mawng,Pathian za te um ding dan him chu ahi. Niam chuamna ahipuan, Pathian kipakna ahi zaw ngalah!

Khawvel ahin diklo takin numei lamte telekna(feminism rebellion) a uang ta mama ahi. Bible zilsakna tawh kituak Numei/Nu hina(Biblical womanhood) leh kituaklo hetchian a zil zil ding ahi. Khawvel thilte hin Pathian Thutak hi a do in a nâng zing ahi ti hetmillo ding ahi.

 

*Lalpa Pathian in, “Pawsal ama ngawn ah a um hi a pha puai: ama panpi dingin a kithuapi ding ah kilawm siam piak ing ka,” a ti’n*

THILSIAM THU 2:18

 

*Ngaikâina hi kithepna mai ahi’n, mêl hoina hile bangma ahi puai; himaleh, Numei Lalpa laute chu pâkchat ding ahi*

THUPILTE 31:30

 

*Zia gual ma chun, nang uh jite haw, la pawsalteu thu thu’n um un; tichun, khenkhat in Pathian thu ginglo maleu, thugen hilo in, la tawidan un zo thei in lau. Lau dan thiam ah la tawidan uh chu hun mu ding a hiu. La kicheinau chu pawlam kicheina: samphekte, sana khite, sil leh chênte hilo in, lungthim sunglam ah mihing kisêlgu, lungthim thunuaigolna leh nunnemna, puansil setheilo ah kicheina hizaw hen; zia chu Pathian mit mu in a lûl ma ma hi. Zia gual chun malai numei thiangtho Pathian gingte kha le, a pawsalteu thunuai ah um in a kichei zaw sek ui. Sarah khan Abraham chu, Lalpa, ti’n a thu a mang hi. Thilpha hi ah, thep lau ah la umlo ua leh Sarah chate hi’n lau*

1 PETER 3:1‭-‬6

 

*Numei chun kitulut tak kawm in thipbek in zil hen. Numei kuama thu zilsak ah a pan ding a hem, pawsal chung ah thu a nei ding a hem ka phal puai; amau chu thip hiat hiat ah a um diu ahi*

1 TIMOTHI 2:11‭-‬12

 

*Jite haw, Lalpa kiang ah la kituklut gual un, la pawsalteu kiang in le kitulut un. Khrista chu ama taksa a kochuamte hukdampa leh a luchang uh ahi gual ma’n, pawsal chu a ji â ding ah luchang ahi ngal a. Kochuam chu Khrista thunuai ah a um gual hin, jite le bangkim ah a pawsalteu thunuai in a um diu ahi*

EPHESA 5:22‭-‬24

 

*‘La pianthak ding ahi,’ ka ti hi maksa kin*

JOHAN 3:7

 

*MOTHER’S DAY/NUTE NI AH PATHIAN in NUTE ZOSIA MAWPUAKNA EI PIAK LEH ATHU ZUI DING AH EI ZILSAKNA TE HET LEH ZUI GUA DINGIN PATHIAN PANPINA DAWN DAWN HITIU AW*

 

LALPA PATHIAN IN A THU TAK HETHIAM LEH ZUI THEI NGEI NGEI DING IN LEH PATHIAN DAWIGUAL A KAL THAK SUAN THEI DINGIN NUTE ZOSIA HUNG MALSAWM CHIAT TAHEN..AMEN🛐

@highlight