PATHIAN SIAM NUMEI HI
馃懓
馃尮
Aziktu: Pu Ginlalthuam
Lalgin Inn
Mualngat Innpi
Khualzinna gam
(Land of Pilgrimage)
Bible changtel:
Thupilte 31:10-31.
Amasan NUTE NI Chibai馃
馃檹
Khawvel siamlim apat pawsal thawmhau lungleng henemtu/sulimtu ding ah Pathian in NUMEI HI ala guan piak ahi. Ei pau ah numei i tiphat le nupi, nungak a huap suak mai hi, ziah chun numei pil leh numei mawl chuleh asiamtu Pathian hiah leh helo in a kikhen sawn kit hi.
Ziah kipat chun khawvel a mihampha/mi vangpha pen pen te chuh nupha, nuching, Pathian hiah, umchan, khanchan pha nute zal in chate hih chanpha tak, tichuh (chawnkhuangchung) lopinate na tiang a tung thei uh ahi. Ziahziak achun, numei hih cha leh te pawsal henemtu mipawimaw ma ma ahi na lawm lawm uh e maw…..!
Khawvel ah vaihawm thiam, milian milal, miching, mithiamte hi a nu teu lawtinna zal chuleh Pathian hiatna ziak tileu hin ki genkhial puan’a.
Pathian thugentu khat in…. “Ka nu ei ziltilna gual in nute’n a chateu chiat ziltil taleu, suangkul (Jail) siam ngaih khel puan’a”, ala tihial ahi.
Ziahziak achun NUMEI HI Innsung, khaw/veng adin mipawi mawh ma ma khat ahiban un, pawsal sangin asusiau ah a siampha kit thei zawu ahi, chuleh numeite hih pawsal in i zathuap thiam phawt ahileh Innsung, khua/veng, gam leh nam chawisangtu, siam hawitu ahi ban un a s没hmin siahtu khat le ahi kit thei nalai uh ahiu.
NUMEITE LULDAN:
A lul dan uh ahileh, pakcha hawitak tawh tekak ahiu ah, kipak zing numei chun kipakna innsung asiam ah, kipakna innsung chun kipak zing chapang a seil锚t sak hi. Kipak zing khaw/veng chun khawvel kipakna leh chamna a chansak sek ahi.
Chun, numei te’n an ngawl ah Pathian buan ah mitthi tawl pum ah a pauchapna teu ziak ahin Innsung, kochuamsung chuleh namsung hih dam liai liai ahih dia aw….tibang hih gello theilo khat chuh ahi.
Numei phatak ihung hih theina dingin NUNGAK LAI hun kitihi kizil hun, hun mantam pen pen khat ahi ban in Pathian dawi gual ah hinkhaw mattei a ngai hi.
Chutichun, Nungak melhawitak chuh pawsal zosia thinlai nemtu khat ahi ban un, numei melhawi hih Pathian thil thawnpiak lopi tak khat chuh ahin, numei melpha umchan, khanchan helo nu chuh vawkpi bil ah sana bilb芒h b芒sak gual mai ahiu.
Ziah gual achun numeite’n, alul dan uh leh alopi dan teu hih hethiam suak taleu, numei gilo leh phalo um dingin ka gingcha puai. Numei pil leh ching tapawu in ah Innchen a siamhawi un numei ngawlte ahiu levang….ama khut ngei in aphezak sek uh ahi.
Chuleh numei um chanpha chuh a pawsal adin lall没kh没k jem hawitak ahin, numei umchanpha lo tak te chuh pawsal g没h muat saktu ahi kit ui.
A hileh, kua hem ? Numei pha muzo ding..! a maan chuh suangmantam pen, sang ah le mantam zo ahi ngal un, ziah gual t没k ah maanpha hihngal ah Khristian nu pha leh nungak pha hiding le gel phalo, a ma nawp dan dan ah tacha, khawvel nawpsak na te ngaina taluah te chuh pawsal a ding ah lawhsapna ahi ban un, vaihawmtute lungzin leh haksat na atut thei uh ahi.
Ziahziak achun, numeite hin la lopi dan uhi hethiam unla, Innsung ah cha leh te chung ah pawsal sangin la mawpuak nau alian zawh ahi.
THUKHAKNA:
Khawvel ah Innkuan zosia kinepna chuh NUMEI HI AHI… Thagau ah k芒lsuan zing thei ding in Lalpa Pathian in numei ah ei lasiam ahin……! Kuale numei phatak hih lanawp chun nunnem inla, umchan khanchan thiam inla, maitai siu siau inla, engtat ching him him kin, la umchan leh la kichei dante chuh la Culture/ Custom tawh kituak sak zing inla, nangma ziak ah chidang namdang te na tiang in ei mupha thei ua chuleh ei muhsia thei uh ahiu ti hemil zianglo in, ching leh pil keu in, lunggil leh taksa thiangtho tak in um zing inla, chisuantu la hin chiphalo suang dingin kih ngaitua/lunggel kinla, la lopi dan sana leh
suangmantam pen sang ahle mantam zawhna lai chuh mansua ngailo in, kisathei leh kiletsak him him kinla,kamthiam in, mi muok (welcome) dante thiam inla chuleh la Innsung, kochuam leh nam adingin la p芒k hawina chuh v没lzing tahleh ziah chuh ahi NUMEI te hinkhaw mat ding dan Pathian ei guan piak chuh ahi.
Lalpa’n, NUMEI te malzawl ta hen.
馃尮馃尫馃拹
Zia article hih ka tangval lai tichuh, Pre-Uneversity Course (PUC) 2nd yrs, (1985 ) ka sim kum ah ka la zik ahi.
