💪PHUBA(REVENGE)💪
Bible changtel: Hebraite 10:30, Leviticus 19:18, 1Peter 3:9, 1Thessolonica 5:15, Deuteronomy 32:35, Romte 12: 19, Thupilte 20:22.
Aziktu: Pu Ginlalthuam
Lalgin Inn
Mualngat Innpi
Khualzinna Gam
PO/PS Moirang-795133.
💪👊✊🏻🤛🤜💪
Mihingte hin lungnat khawkheng tibang i nei chang bang aum sekin zia pat chun phuba lak nawpna lungthim bang hung piang in himaleh phuba lak kiti him him hih aphatna sangin asiatna atamzo ahi.
Thilphalo khat chung ahin phuba ilak ahileh thilphalo pani ahung kisuak in zia chuh mihingte lunggil in anou hung keu in tichun phuba kilak tuana ziakin khawvel gitlonan a zen suak ta ahi.
Khawvel ah mi 2 phuba him him lah ngailo chanchin chawmkim vak ngaitha masa hitiu:
1.Pu Mahandas Karamchand Gandhi, ama hih ihet taksau, India gam zalenna sual thagum sualo( non- violence) mangcha panlatu ahi ban in Satyagraha zuitute chun a melma te chungin siatna bawllo, chuleh phuba kiti him him laklo ding, dikna leh phatna zawk ah thuk ah gaal zawding ti ahi.
Zia India National Movement ahung kipat masang in South Africa ah daan (Law practic) zil in azuchiana chun a gam in mikangte leh mivawmte( Apartheid Racial Discrimination) tichuh nasatak ah(mikangte leh mivawmte) kidaidanna ala um in, nikhat Gandhi Rail(Train) ticket 1st class la in achuan ahile mivawmte chuanna ding ahi puai tiin, khuttum thak theina hial khawp in kinialna te bang ala tuak in, 1st class ticket kanei ziakin chuang kahi alati piak ahi.
Hitih gual khawp ah mi nunnem, thudik, mi siatna siatna ma ah thuk kik ngailo, ettawn tak ma ma Pu MK Gandhi( epitone), India Gam Pa sakin ala um ta ahi( Father of the Nation)
Chun zia hunlai ahin South Africa gam hih Sapkangte thuneina leh vaihawmna colony khat ahi ziakin…….
2. Nelson Mandela, zia kidaidanna dodaltu khat ahung hih tak ziakin govt. in man in suangkul(Jail) ah kum 26 hial ala khum maleh hun hung kihei zel in National Movement hung lawting in, African National Congress President tel tin ahung hih ta ahi.
Nikhat, a body guard te tawh walking achia nau ah Restaurant ah thingpi, nekthei ah nek malam uhle suangkul atan lai ah ama sugenthei tu( Jail guardpa) tawh kisitua in thingpi chawk piak in adawn khawmpi ahi.
Zia zaw chun lampi achia nau in a body guard te kiang in ah suangkul tan lai ah ala suk genthei dan chanchinte a gen ahile……….! A body guard te khat in zia gual ah hung sugenthei, thingpi,nekthei dawnpi/ chawkpiak malak sang in ei manle thuk kik mai ding ahi chula, sir…..avak tipiak le……Ama, Nelson Mandela in, ahi puai, phuba kiti hih keima characters leh ethics in a pangkhalo ahi…tiin adawnhu ahi.( Mihingte lunggel ditak chuh ahi maw?)
Phuba lak kiti hih mihing khat leh khat lunggel susia, zia sang achun khat leh khat kihotuak in(reconciliation) siamphat kik na ding gelchiat thei leu hen, Pathian dawidan mihingte ading hilo a hem ?
Awle, tuni igen nawppen ahile zia khawvel khualzinna gam ah hin innsung, khua/ vengsung, kochuam sung, gam leh nam sung ah kih ngaidamna sangin kiphuba lak tua dingah lunggel bep ah hinkhaw mang ihitau em ? Ahi puai, Lalpa Pathian in a gen hi………”DAWITAK TE HAW, PHUBA LA KI UN, PATHIAN LUNGNATNA AWT ZAWU IN, PHUBA HIM HIM KEIMA LAK DING AHI. KEIMAN THUK NA’NGKA LALPA’N A TII, TI ZIK AHI NGAL A”. “LA CHUNGAH MIN SUAL A BAWL CHUH THUKIN, LALPA NGAK LECHIN AMAN HUN BAWL PIAK INNA”. “PHUBA LA KIN, MI CHUNG AH LUNGTHIM SIA LA NEILO DING AHI. NANGMA LA KIHEPI GUAL IN LA VENGTE LA HEPI DING AHI. KEI LALPA CHUH KA HI”.
Simtute zosia lunggil in Lalpa Pathian in mal ei zawl piak chiat ta hen.
💪🤜🤛✊🏻👊💪
21st March 2021
