15th July 2022 | Kanam Vaiphei
Tu zingkal dak 8:00 a.m chun Pu Vungzagin Valte Hon’ble MLA ,Thanlon in VPC Shopping Complex,Tuibuong a hawn daw na anei tai. Zia hun ahin Pu Chinlunthang Zou Hon’ble MLA, Singngat, Pu Letzamang Haokip Hon’ble MLA, Henglep chuleh Tribe chuam chuam a President leh Secretary ba’na Pu Hauneilal President, VPC leh a Cabinet te , Zillai GHQ leh YVA GHQ Cabinet leh lawiupate, Vaiphei Research Forum(VRF) chuleh Pu Paukhawlal, Pu K.William leh Pu Khatkhotong Baite Ex. President VPC leh Secretary te, Pu John K.Ngaihte President Zomi Council leh a Cabinet te , Pu Kh.Benlian, Pu Henlianthang Vaiphei Social worker leh mipi tamtak in auap ui.
Pu Vungzagin Valte Hon’ble MLA, in thugen na Thilpha lam a kitaitek hi a dawi um a, aphalo lam a kitai tek vang dawi umlo ahi tia,Tu chung a MLA ei thingtangmi kai te hi issue chuam chuam a ki thuhet tua zing leh pan la zing kahiu tin mipi thamuan na thu le agen a, Tribe Leader te leh Nam lawiupate zal a MLA te hium leh nasem thei bep kahiu tin mipi beng asutai hi. Pu Chinlunthang Zou Hon’ble MLA in athugen na chun, VPC in ziagual din mun a ngai na tak ei chial hi kakipak mama a, Pu Vungzagin Valte hi kei leh ka lawipa ading diak ahin ka Commander uh taw bang ahi atia, VPC Income hi hung hoi thim ding ahi tak ziak in trible dang te le ei he pha sek un tin thu chuam chuam tampi agen hi. Pu Letzamang Haokip Hon’ble MLA in tigual a chial aka um hi kakipak a, Za um MLA te leh Tribe Leader te hi i pan khawm uale I gam a peace and Unity hung um ngei ding ahi atii.
VCC Hall, Bethel Veng, Churachandpur a hun mat na zaw ahi in cia khawm te taw ankuang sawk khawm na um in hun mat aw ahi tai.
Vakhiat be ding achun, tu leh tu VPC Shopping Complex hi Room 6 ahia, alua ding te’n lua suak vek a awng um talo ti phawt ahi tai.
