KI SIAMPHAT HUN
Bawlphat ngaite bawlpha ding in
(DO IT RIGHT,NOW!)
Ama nu chun, “ Lalpa , kuama’n thiamlo ei chansak puau hi,” ti’n a dawnhu a. Jesu’n a kiang in, “Ke’nle thiamlo ka hun chansak diak puai, chia’n la, gilo kit ta kin,” a tia
JOHAN 8:11
She said, “No one, Lord.” And Jesus said, “Neither do I condemn you; go, and from now on sin no more.”
John 8:11 ESV
Khawvel ahin keima mimal hinkhua hin bangti lom² ei diam aw, tigual a haksatna katuak mai. Mite, midangte la keisang a pha leh hoizaw ahiloleh thiamna lam a le thiam zawkna le a chuam nei biklo ahiu a,ahin la, ahinkhua uh nuam tak a mang,sum le pai hihenla nei leh go la kiting tak ah a nei un TIN Ngaituana lanei khasek em unau? Khawvel a mihiam khat a hung kipiang, ngaituana nei aki hiziak in midang tawh ki teehna@Comparision aki nei khasek him ahi. Zu le sa ne a, khamthei guithei bawl leh zuak ngal ua, dik tatna la neilo, Pathian thu kilepna mang ahiu la kihechian mama ngal a, bang atia malsawmna, sum le pai nei a, hausa teitei ei diam uh aw tin la lungthim in la geel KHA sek hi maw?
Khawvel sum leh pai, sanate, hausatna leh nawpsakna pia ding in Lalpa Jesu’n khan a nungzuite atiam lo ahi! Jesu Krista a chamna leh thamuanna ama Gingtute atiam ahi zawi. Pathian thil leh khawvel thil hi khendan leh hethiam ding in Lalpa’n mitvakna ei pia hen aw..Amen!
Laa akisak sek gual ma in, khawvel a sum le pai, hausatna, lopinate leh lalnate hi hung mangthai paiding ahi. Kumtuang dai mama lo ding ahi e. Amang thai theitalo ding Jesu a Hinna lanei lo chun tuhun mama hin kingaitua phat hun ahi e unau.
Mite et a kilom biakinn mi maimai ihi khak chun Pathian vaihawm khumna maitua ngei ngei ding ihi zia hun ding chu ngaingam um puantin..kisik na hun..kisiamphat nahun umta puantin maw?!
Belamte Khrista Kochuamte damtheina ngaisaklo leh kochuam mite thagaulam a khawksakna leh hepihna neilo Belampu lem a tam mama hi. Sum muna ahiloleh nek muna ahisam leh ti a mawpuakna suh piting ve mai mai gua kochuam nasep tam to zel ding ahi. Zia gual ihi khak chun kisik a Pathian lam a kihei kit mai ding ahi. Mite mu leh ngaidan in vang kilom maimai in um thei nanla hinla vak ngaitua tia lei leh van siamtu Pathian hin ei muchian mama in ei hechian mama ngal a,themzo ding khatto a kigeel lahem? Kochuam nasemtu reverend kiti ut ve haw, pastor hi ve sam chun pensioner khat hitasam hinla ahindan leh khuasak dan ua apat ah ettawn ding um mawng mawnglo puitu lem igam hin atam talua tai!
Pathian Kochuam leh ki vaipuakna ahin vang belampu lem leh lauthawng um mama, mahni gilpi ding bep buaipi te kichepna ding mun hilo ahi. Kochuam hi kichepna hilo ahi. God is not mocked!
Insak, inthang khuasung leh vengsung leh kochuam ten khawvel siatna leh sualna hi hung ngainep deu deu ding ahiu.
Pathian thutak dinpi ngamlo hung tam sem sem intin. Mani tumpi @ gilpi sung a ding bep buaipi lawi upa kibelap deu deu intin. Sual chu sual tingamlo,gitlona chu gitlona ti ngamlo leh setan matchak Belampu sual thim apat hukdawk ngai hung kibep deu deu ding ahi
Biakinn kikhawpna kochuamte thawlom atam zaw phawt nak leh lungawi ziang mai hotu hung tam deu deu ding ahi.
Kristian te chu ginna leh Bible ei zilsakna thu him him ah ki compromise leh common ground hawl ding te hilo ahi. Bible in NO ati chu NO tiding chuleh Bible in Yes ati le Yes timai ding ahi.
Pathian thugil diktak hi hechian nuam leh hinpi ngam Kristian igam hin a mamawh mama hi.Kristian kiti khat Bible sim peilo leh Pathian thu Pathian kilakna athu hing ngaisak peilo, Kochuam upa leh pastor le hotu hi ut, vaihawmna lalchutpha chut ut Jezebel thagau buak nei igam hin atam ngei mai!
Tuni hin kingaitua hitiu unau, la Insung mite Jesu lampi diktak in lapui in, la kaihuaina em? Biakna lam a panmun nei lawi upate nang belampu lahi em? Ahiloleh belamte’n ahung etkawl ding ua um Belampu lem khatto lahi em?
Jesu neiten vang zia khawvvel ahin Pathian thagau mapuina in sualna te chu azo to zel un ahi
Pathian chaten vang khawvel a hing zing kawm in Vanthil te thiil in, van hausakna akikawp pi zing sek un ahi. Jesu Krista hepina achun khawvel thilte chu mangthai pai ding ahi dan amu chian mama tau in ahi. Thina, gawtna, chagatna ahiloleh le diklo tak a bawlna te chun a Pathian a hepinau chu ahi det deu deu tu in apang sek hi. *Sizo changal mepok guak le hukdam chate chun sa tuipen sang in tuitak in ane thei tau in, taksa leh thagau lam in hatna leh damtheinan amang zaw sek uh ahi.Hinla Pathian neilo te vang chu sana kuang in me leh bu tui theipen ne leu le ataksau ading in gu asuak sek in , imut theilona,lungkham lungngainau akibelap sak sek tu in apang zaw ahi.
Pathian neilo ten leisiat hinkhua hi anuam theipen in amatgua zing un, amau a ding in ahinkhua nawpna pen uh a best life uh chu khawvvel thil ahimai hi. Pathian vaihawmna amaitua ni tak uh le chu best life uh kha a worst life hita mai ding ahi. Khawvel a happy life leh best life mang ding le nawp tel ding in Jesun’ ei ko ahi puai Nisin a Krista hiatpitu ama thawkna thawkpi ding in leh khawvel nawpna te nusia ama zui ding in ei ko in, ei ziltil zaw ahi .
Pathian nasem ahiloleh mission worker khat hingal a, Pathian na leh Jesu amasapen a koilo a, pension nung a best life mat ding dan buaipi, Krista a ki insured lo a khawvel thil insurance buaipi a, a petu nasep ding sang a sum bep la buaipi chun….La gitlona kisik in SUAL lahi kisik mai in…REPENT!
Unau la nek hawlna, sum kawlveina leh la hinkhua matna vak ki enthak kit tia le, Bible Pathian thu tawh akimil na diam! Sum pung hawl leh commission hawl a zuau gen vel vel a Kristian gimnam bei a khuasa lahi em? Gam government in le akham, gamlak ganhing, ganchate thading ah hawl vel vel lahi em? Khamthei guithei bawl le zuak a khuasa lahi em? Sual hi haisan in, nang ding hunpha umsawtlo ding ahi.
Hilo hial! Ka hil la hiu, nang unle la gitlo uh la haisan lo ua leh, zia gual ah chun mangthai ding la hiu,” a tia
LUKA 13:5
Himaleh, Pathian suangphûm det tak chu a ding zing ah, zia tepte’na hi a nei hi: “ Lalpa ‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi
2 TIMOTHI 2:19
Taksa damtheinate, lunggil kipakna te, chantawk a lungawinate haw hi Pathian a kipat ahi. Unau Insak inthang leh khawvel et in vang tawm leh musit himaithei lahi, hinla nang a um amangthei talo Krista a hukdamna khan bangkim in thamuanna, kipakna leh sual zawhna Thagau THIANGTHO pawlna zalin nei zing tading lahi
Jesu nei gingtu diktak te chun chagatna, gentheina leh hausatna khawvel mite mutheilo in anei zing un ahi. Jesu anei un, amang theitalo ding hukdamna, Kumtuang hinna anei tak ziak un….KHAWVEL THILTE hi Mangpha bye bye a pia zing tau hi
Khawvel thilte mangpha tau in, Jesu kanei, Jesu kei ading in ahuntawk hi tithei ding in Lalpa’n simtute ei malsawm tau hen
Thiamlo chansak chu kua a hem? A hung thi Khrista Jesu kha ahi; ahi ngût hi, a thokit ah Pathian khut changlam in a um ah, ama chun ei pauchap piak zing ahi. Aleh, Khrista hepina ah kipat chun kua’n ei khen zo ding a hem? Thokgimna’n a hem, lungkhamna’n a hem, sukgentheina’n a hem, kial in a hem, ngawnchang hi’na’n a hem, lau umna’n a hem, chemjam in a hem, ei khen zo ding ahi diam?
ROMTE 8:34-35
Bible Simding:
Mathew 35:3-16
Mathew 11:29
John 15:4
Mathew 6:33
Acts 3:19
IJohn1:9
Ezekiel 18:21-23
1John 4:1
Colossians 2:8
2John 1:7
☦️KHRISTA LALPEN’ SEPAI☦️
