17th Dec 2022 | Kanam Vaiphei
Kipakthu Genna
Za um Dr.Mang Thomas Vaiphei, masan VRF sik in chibai.
Tuni 16th Dec 2022 VRF Webinar Series 4.0 thupi “The Church/Christian Mission and its impact in the state of Manipur (Religious initiative in society of Manipur)” ah Thugen ah lei pan piak ziak in ngun tak in kipak thu ahung kigen ahi. Tuni Webinar ah hung pang te ka lawk takzet uh ahi. Lalpan maban lasep na ah hung malsawm zel tahen.
Khrist leh igam/inam a ding in hotu/scholar pha hizing ding in kadawisak nau kahung lan uh ahi.
Kaki pak tazet ui.
Sd/-
Vaiphei Research Forum
Zia gual VRF in zani VRF Webinar Series 4.0 thupi; The Church/Christian Mission and its impact in the state of Manipur (Religious initiative in society of Manipur) hun mat nat lawk tak a zo thei uh ahi dan thu hiat ahi. Zia hun a hin *Za um Pastor Dr. Mang Thomas Vaiphei speaker a pang in thu man tam tak gen daw aum in Inam sung a tung le khan to thei na ding tamtak gen daw in aum hi. Zia gual a hun mat thei ding avaihun guang tu Ms Lianboi Professor, President VRF, Zaum Thomas Haukham Secretary VRF leh a member te ban a hun hawn na mang tu Rev. P.Thianneilal te chung apan lak nau thupi isa mamau.
Zia VRF Webinar Series maban ah le Scholar department leh subject chuam chuam inei teu in offline hita leh online a bol zawm ding hi VRF Executive phasakna ahi, chun zia programme a chia thak thei zing ahi chun National ahilo leh International tiang a le speaker hi invite hi ding ti kisingsakna le aum hi.
Maban ale Vaiphei Research Forum(VRF) leh Scholar inei teu hi tawhsawt leh zathuap ah, Vaiphei khan(chanchin) leh gou leh ginna lam hita leh khawtang ah inam gou teu ngaisang leh koitup din pan la to zel thei leu hin ivak ti sawn sawn ui.
