ZINGKALPHA GOODMORNING UNAUTE 🤝
NUNGZUITU PHA
By: GL Muana Neitham
1 JOHAN 2:5-6
[5] Himaleh, a thu zawm tapo chu, ama ah chun Pathian hepina chu a bukim hi. Zia chun ama ah I um uh chu I hethei ui. [6] Kuale ama ah ka um zing hi ti tapo chu, ama tawidan gual in a tawi ding ahi
John 2:5-6
[5] but whoever follows His word, in him the love of God has truly been perfected. By this we know that we are in Him: [6] the one who says that he remains in Him ought, himself also, to walk just as He walked
Khristian hingal hinla Pathian in ei thupiak, ei te a ding ah ei zilsak nate haw limsaklo leh he phalo in i um gamta sek uh hi. Ei mau phasak dan dan in khawsa zo ta sek ui!
Taksa thil ah nek leh chak chuleh i poimaw teu neina dingin na sem in sum i hawl sek un ahi. Zia i sep man uh sum chun nisin i mamaw teu i chaw sek un, an bu leh me chuleh damdoi te ne in dam leh hisel takin i umsek ui. Ziagual machun Khristian te a ding a chun JESU nungzuina, Pathian chate hina hettheina poimaw pen chu ATHU Pathian thu a um zingna hi ahi. Pathian thumatna lo chun Khristian na in umzia a nei puai.
Pathian Thu a umzing ti umzia chu Pathian nai zing a AMA thu awi zing tina ahi.
Ei te a dingah ei zilsakna, lampi pha leh dik ei kawk mutu, bangkim zosia sang a i poimaw pen uh an pha pen, vangam lampi i zawt zing nau leh damlai i khual zinnau ua i khawnval ding uh, Pathian dawilgual Suak pha leh ginum i hithei nading ua poimaw pen chu PATHIAN THU AWINA hi ahi Eima phasak dan, ei mani mimal taksa lunggel leh dawigual tak a khawsak utna te hin Pathian hepina apat ei gamlat sak sek a hi. Khrista Jesu gual a hing dingte chu Khristiante i hiu hi.Pathian thumatna chu Pathian nai zing tina ahi. Bangkim a Pathian Thumatna[obedience] nuai a i um masiau chu Pathian dawigual leh ama pomtak Khristian hingai ngailo ding i hiu hi Ei mau lunggel leh dawidan takah siamkom Khristianna hi Kawt khak neu hinna lampi eizawt saklo ahi. Hinna lampi, vangam i zawt zing nau lampi hi adikna diam ti ki en thak kit vek hitiu aw. Khristianna leh Khristian kalchawina(Journey)hi lampi haksa leh chíp hizing ding ahi. Mi tampi tak zawtna lampi hilo ding ahi. Khristian na vang Khawvel thilte chuleh khawvel chawn dan taw kituak ngai ngailo ding a hi ti hia’in
ki suk hat tua zel gua zing hitiu.Khristian ginna leh Jesu nungzuina him him vang khawvel tawh kituak ma ma lo ding ahi (counter- culture). Khawvel thilte tawh ki tuak tak a Khristian la hi chun la Khristian na kha ki sui phat ngai ding ahi. Khawvel thil tak a sakhuana nawpsa leh tuitum I hiu chun paw lawng sakhuana diklo tak a thamuang hiding i hiu hi. Pathian do Babulon mite khawsak gual a i khawsak chun Khristianna in umzia neilo ding ahi. I nek leh i dawn, sum i lak lut nau chuleh i leisiat hinkhua mat dan u ginglote taw ki lam dang chuamna a umlo chun taksa leh thagau lam Babulon mite gual hiding i hiu hi. Thagau lam angkom haisan hun ahitai! Nek guk thiam, zuau ah hinkhua matna leh Pathian ki chepna mang ah Biakna ki sélna mang i tam tau hi. Pathian biakna umzia dik tak leh Pathian a Thiangtho zia le zil thak kit hitiu!
Nungzui masate, Khrista ading a mi hangsan,lampi dik(The way) zuite haw kha vak geel dawk thak kit zel sek leu hin pha ma ma ding ahi. Amau zui JESU tawh Rome vaihawmna khawvel chia dan leh Judate sakhuana a ki millo dan khan Nungzuitu hina leh Pathian Thu awi ding KHRSITIAN TE i bawn un zillai phatak ei pia ahi!
JESU nungzui i hinau geeldawk zing hitiu. I hinnau leh i hinkhua’u hi Pathian a ahi dan geeldawk kit hitiu. Ginglote gual mai mai a, hinkhua tanzau tak a mang ding te hilo i hiu hi. Jesu Khrista Hepina zal a Kraws a tak daw Pathian a ding a mi Thiangtho, a Kochuam te i hiu hi. Mawk mai mai a hinkhua mang ding in Pathian in ei phal puai!
I taksa’u nawp nate zosia’u i tha zing u a ngai hi. Khrista Nungzuina ziak in mani taksa lam(flesh) lungngul nate that zo ding in Pathian panpina dawn zing hitiu. Lawkna pha leh dik, Pathian thu awina lam pan theita dingin Lalpa‘n i bawn chau in ei Panpi chiat tahen aw AMEN
PHILIPPI 3:17-21
[17] Suapite haw, keima ei enton chiat un, kei uh etton ah ei nei taphot chule pha tak in tepte’ un. [18] Mi tam tak in Khrista kros chu kãl in hinkhua a mang un; a chanchin uh ka hung hilsek kha, tu’hin le mitthi pawt kawm in ka hun hil kit la hiu. [19] Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui. [20] Himaleh, eihaw I khawsaknau chu van ahi; zia ah kipat chun Lalpa Jesu Khrista, Hukdampa chu I ngak ui. [21] Ama chun bangkim a thunuai ah a umsak thei ziakin, I taksau musit um tak hile ama taksa lopi gual hiding in hun siam danglam in a
Bible sim ding
Rom 12:2
1John 2:15-17
John 15:9
2 Thes 2:15,3:6
Colas 2:8
Mat 7:13-14
Acts 9:2,19:9
Heb 10:23
Mat 25:21
Gal 5:17,21
Psalm 1:2
Rom 8:9
@highlight
@GL Muana
