YVA KANGVAI BLOCK
Kumtawp report leh mabân panlâk ding dan.
Pu Thangminlian, Organizing Secretary YVA Kangvai Block Inn Leisang khua’n, 12th January 2024 ni’n Kumthak vaihawmna leh Kumlui ah nasepte report bawlna nei a la hia, ziana’h chun Committee member te’n annek khawmna le nei a la hi.
1. Block huamsung ah Unit din a la hinailo a tamzaw din a la hita, himaleh, Khua 3 ah Unit a la kidin thei nailo te hi, Hausa tawh kihetua zel in, lemchang masapen ah din di’n kihiattuana siam a la hi.
2. 7th July 2023 ni’n, tuchung i buaina ziak ua melmate khut ah eila liamsan, Pawsalpha leh hangsan Mr. Sokhongam @ Ngamneo Baite of B. Khonom, a Insung mite’n thâkdawna leh sûnna hun 27th December 2023 ni a mat nau ah Block te ei hun chial dungzui un, Committee member te chia in, sûnpina thu gen kawm in Puandum piakna nei a la hi.
3. Tuchung i buaina ziak ua Kangvai Block sung ah Unit, Frontline Volunteer etkawl nei zing Unit 5 te kiang in Anchang Bag 2 chiat Block min ah piak a la hi. Ziana’h hin, Upa Lalkithang, Chief of S. Chakmual in a Gypsy ei hun tuakdaw piak in, a kiphalna ziak in kipak aum mama hi.
4. Dinmun haksa tak ah umzing kihimaleh, Block huamsung ah Unit umte, khawsung mi kimtak ah umsuak thei ta lo a hi’nung ah, Volunteer bangzat ahem tawh khawsung nutsia nuamlo ah pangte, thilpiak thupi tak piakzaw a la hisek lo maleh, vilthâkna nei a la hisek hi.
5. VPC Kangvai Block Nu leh Pa te’n, Kangvai Block sung ah Relief Camp khat hun guang in, zia etkawlna chu YVA Block te khut ah ahun piakdaw ziak un, Duty post ah duty pawzing kawm in theitawp sua’h panlâk a hizing hi.
6. YVA Kangvai Block Office hi, 4th May 2023 ni ah State Police te mapuina ah Meitei te’n a hâltum tâk ziak un, Pa Lulut, Chief of S. Kawtlian kiphalna ziak in Ama inn Office ah mat di’n ei phal piak hi. Block Office ding kitûp tak dindaw thei a himasang S. Kawtlian Inpi chu Block Office ding ah namdet a la hitai.
7. YVA Kangvai Block puitu member te dinmun etthakna nei ahia, Service ziak leh insung buaina chuam chuam ziak ah a dinmun active tak ah lua theilo te khualna ziak in, a vaima thei lam ah Block Committee member ding Nungak 2 leh Pawsal 3 lâklut belap di’n lemsak ahi.
I gamsung buaina ziak ah Block in pan i lâknate, hun zosia Unit te hiat ding ah report bawl a la hisek lo ziak in, khenkhat te’n defunct gual in eila puang ziang maleu, Liangvaite gualpha hina nasep chiapi zel thei ding ah ei sawmdawltu Block sung ah Khua hausate chung in kipakthu ka hun gen ui.
K Chung Vaiphei
President
YVA KANGVAI BLOCK
G.K. Lalneu Suantak
Secretary
YVA KANGVAI BLOCK
