Lamka, Aug-12: Young Vaiphei Association- General Headquarters in Give India leh Centre for Community Initiative (CCI) apat humanitarian relief a dawnte tuni’n YVA Haupi Block, YVA Kangvai Block leh YVA Haupi Block nuai a um unit chuamchuam apat khawsakna haksa diak innkuan 60 kiang in relief apiau hi.
YVA-GHQs in tuzingkal dak 8:00 in Kangvai Block puitu-te tawh kithua in Kangvai Block huapsung a um unit chuamchuam apat khawsakna haksa diak relief chang dinga teldaw-te kiang in hopdawna anei ua, zia zaw achun YVA Haupi Block puitu-te tawh kithua in anei ua, a chaina ding in YVA Lamka Block sunga um unit chuamchuam apat relief chang dinga teldaw-te kiang in a pi’au hi.
YVA-GHQs puitu-te ahileh Upa Vungminthang, President, YVA-GHQs mapuina in H. Sangpi, Vice-President, YVA-GHQs leh PG David Vaiphei, Jt. Secretary, YVA-GHQs ahiu a, Block leh Unit chuamchuam apat President/Secretary te’n a kithuapiu hi.
Humanitarian relief hopdaw ah umte tawh kisai Upa Vungminthang in a gendan in Centre for Community Initiative (CCI) in Give India apat relief a dawnte YVA-GHQs kiang ah innkuan 60 a ding ahung piakte chu block leh unit-te tawh genkhawm in khawsakna haksa diakte’ kiang a piak dinga thupuk ahi dungzui ah block leh unit te’n amau huapsuang a haksa diak a teldaw te’u kiang ah tuni piakdaw ah um hi’n agen hi. Relief piakdaw a umte ahileh beneficiary khat kiang ah anchang kg 25 banah sabon, sathau, chini, bawngnoi, chi leh allu pang ah me ding chuachuam banah face mask/sanitizer ahi.
