VPC GANGPIMUAL BLOCK IN UNIT VETHAKNA NEIZO TA
1st April 2021 | Kanam Vaiphei
VPC Gangpimual Block in a chiata nisim 23/3/2021 ni ah pat Block sung ah Unit 8 umte vethak na leh dinmun kikup khawmna a la nei pi uh chu Dt.30/3/2021 nitak in VPC Nghathal unit vena a nei u tawh kitawn in zaw a hitai.
Block puitute’n Unit visit a nei hun sung un Unit lam te apat in Unit Status Report leh Request um te ngaithak in a um ah, Block Chairman apat in genchet thei tiang te genchianna leh Hqtrs. lam tut to poimaw te tutto hiding ahidan a gen zel in ki thathaw tua in hun a mang ua. Pu H.Kamlianpau, Block Secy in Unit te reports and request te phatak ah record bawl in, Zia te chu hun lemchang masa pen ah Block meeting hun tak leh genkhawm ding in a koi ui. Block in a huam sung ah Vaiphei khua hausakna um sun Gangpimual khua Hausa Pu Henzagou te nupan ngei le za na leh ngaisânna etsak na in Khiangkawi puan silsak na le ala nei ui. Zia hun achun YVA Gangpimual Unit leh VPC Gangpimual Unit puitute apat thugenna le ala um ahi.
Tour programme zaw na in Nghathal unit a ve hun un Host unit lam apat in Thingpi nekthei niang tak in a dawnkhawm ui.Zia hun a chun Pu S.Lalmuan, Treasurer in ma apui ah, member te’n thu poimaw leh mantam taktak te gen na nei In, Upa P.Boijoy Vaiphei, Chairman VPC Gangpimual Block in hun tawp na leh Tour programme khakna Pauchapna anei ah, hun zaw ahi tai.
*📁__Admin__✍🏻*
*Vaiphei Tawngsua*
