PATHIAN ZILLAITE By: GL Muana
SAM 25:4-12
[[4] Aw Lalpa, la lampite chu ei hetsak inla, la lampite chu ei hil ta’n. [5] La thutak ah chun ei pui inla, ei hil ta’n; ka hukhinna Pathian chu nang la hi’ngal a; nitum in ka hun ngâk zing hi. [6] Aw Lalpa, la lainatna leh la ngilnei dante kha hezing inla, tu’ma lam ah kipat a la umsa a hita ngal a. [7] Ka khangdawng lai gitlonate leh, ka hi’khelnate chu hezing kin la; aw Lalpa, la phatna leh, la ngilneina ziakin ei hezing ta’n! [8] Lalpa chu a pha’n, a dik ah; tichun, migilote chu lam dik a kawk mu hi. [9] Thunuaigolte chu lam dik in a pui hen, thunuaigolte chu a lampi a hil sek hi. [10] A thuthung leh a thuguat zawmte â dingin, Lalpa lampi zosia chu ngilneina leh thutak ngen ahi. [11] Aw Lalpa, la min ziakin ka gitlona ngaidam in, ka gitlona a huaisia ngal a. [12] Lalpa lau mi chu kua a hem? Zia mite lampi zui ding chu hil in a
Pathian siamsa leisiat mihiamte chu Zillai vek ihiu hi. ZILLAI iti umzia chu Sap pau in LEARNER/STUDENT ti ahi mai hi. PATHIAN zillaite chu Pathian zilsakna nuai ah khawsate tina ahi.KHAWVEL thilte bep zilto to ding hiloin, Khristian te chu leisiat hinkhua abei masia Pathian Thu leh Pathian zilsakna nuai a thumang takah um in, Pathian Zillai(Student) hi zing ding ahiu hi. Pathian Thu a hing in, Pathian Thu ma thi ding ihiu hi. Zia umzia chu Pathian chu bangkim a i LALPA(Lord of our life) hiding tina ahi.Jesu Khrista Nungzuite(disciples) zosia chu Pathian apat bangkim zil zing tina ahi.
Pathian Jesu Khrista hi ei hukdampa, meidil apat ei hukdokpa/hukdampa ding in pha isa chiat ua, kipak um le sa chiat hitiu HINLA ei hukdampa (Savior)chu i LALPA(Lord) ahilochun umzia neilo ding ahi.
Jesu chu hinkhua bangkim a LALPA ahi na em?
Lawng tawl tun achiana ding lampi dik takah azui theina ding in compass(Mun leh gam lam hettheina) amang in, khualzin mi chun internet GPS/ google man chan achiana ding lampi dik takin azui thei hi. Ziagual machun hukdamchate, Vangam lampi zui zingte zosia chun, achia khiallo nading un Pathian thu chu lampi dik kawk mutu ahiziakin PATHIAN THU zil in, Zia Pathian Thutak chun kawng bangkim in a kaihuai zing zaw sek hi. Pathian ading ah chun ama zillaite ihi nau em le? Ahiloleh Mani phasak dandan a Pathian mat tangkai gua, Pathian chu i zillai naupang gual ua mat gua zing ihi zawu em? Pathian hi ei haw asiam sate matchak (used) ding ahi puan Pathian phasak dan dan a, ama matchak ding ah i ki piak dawk ding ug ahi zawi! Khristian diak tak chun Pathian a ngaina zing ding ahi. Pathian ngainate chun Pathian Thu angaina(mamaw/necessity) zing ding uh ahi. Bang ziakin em iti chun Pathian leh A THU chu Khristiante ading in Lampi, Thutak leh Hinna ahi ziakin! Khristian khat kiti ngal hinla Pathian Bible tawh ki gamla, Pathian Thu zil peilo leh het gualo chu Khristian lem tina ahi. Bible, PATHIAN THU(Scripture) hi bangkim ah Khristiante ading in zilsakna bukim(complete & inerrant)um sun chu ahi!
Bible khelah Pathian kilakna thak( new revelation) hawl a buai chuleh thilmak leh lamdang chuam mu gua kichom vel vello ding ahi. Aziak chu zia haw buaipite chu Bible kal leh nelsia tina ahi!
Pathian Thu zil ti umzia chu Bible va mok sim ahem eksatnan Biakinn tual apat pau ngaina(Loud speaker) mang a Genesis apat Revelation chan simsuak gua ahiloleh Bible college(seminary)va kai ziang ding tina ahi puai! Bible sim chu aphai hinla Pathian pawmtak biakna a poimaw pen ahi. PATHIAN THU zil ti umzia chu Bible a PATHIAN hi zil leh het sem sem ding(learning and knowing God), a Thu mat ding (Obedience to God) leh a ngilneina, Thiangthona leh a hepina(His Holiness, righteousness and loving-kindness)zil to zel ding tina ahi. Het bailam pen ding in Pathian Thu,a Gospel a lut thuk sem sem ding tina ahi!
Pathian Thu lo ah hing zolo, khuasa zolo, Pathian tawh nisin hunsin mangkhawm zingte chu PATHIAN zillaite ahiu hi. ZIA zillaite chu PATHIAN nungzuite, Khrista taksa khat kizawppi(body of Christ) te ahiu hi. ZIA Khrista Taksa kizawppi te chu JESU KHRISTA KOCHUAM te chu ahiu hi.
Tuni hin vak ki ngaitua hitiu le, PATHIAN thu ahin i tuitum nau em? Lithuk lam zuan a masawn zing ihi nau em? Mihiamte siamkom zui ding dante (man-made rules)a kochuam ki vaipuakna buai zing nalai ihiu em?
Pathian mithiangthote, Pathian chate, Khristiante kiti vek ngal Hinla PATHIAN THU a dutui mama lo chuleh lunggil tak a Pathian Thu duchak ngawi ngawina (Thirst for God and His word/truth)neilo ihichun GINGLOTUTE(pagans) tawh kibang hiding ihiu hi. LA CHRISTIAN na em unau?
Tulai ahin ei Khristian kitite lakah hin Pathian thutak zil peilo bep hiloin ngaitha utlo thasiat um hial in aki tam mama hi. Helo ngal hinla hil theilo, ziltil theilo leh mani phasak dan dan a um nuamsa setan in athunun kitam ding ahi! Eite lakah hin adiakin manitawk a kipilsak i ching taluau hi. Khristian, Jesu Nungzuitu hinah hi i chanpih Khristiante tawh kithua a ki pawlkhom(fellowship) zing ding ihi. Biakinn leh Kochuam umzia hile mimal(private) tidan bep a Khristian hitheilona eksakna ahi. Ka hepuai ti ngam Khristian i poimaw ahi. Hetlona midang te dawng ngam i mamoh ahi. Hela helo hingal, zil la kizil peilo, Bible thugen nawp dan dan a lak kawi lumlet bawl a pulpit ah ki mawk koko loding ahi.
Kua zillai ihi em le?
Jesu zillaite ihiu em?
KHAWVEL thimlal vaihomtu Setan zillai ihi em le? Setan student ihi zawk khak ding lauthawng leh puaknat um mama,,mi hepi umtak hi ding ihi!
I dinmun leh i Hinkhuau mat danteu asiat dan iki hetdaw theina dingun LALPA KIANG IN PAUCHAP HITIU IN Tichun PATHIAN LAM A KIHEI KIT HITIU!
Bible sim dingte:
Psalm 43:3-4
Psalm 119:105
1 Corinth 4:6
Habakkuk 3:18
Titus 3:9
Galatians 1:8-9
Psalm 145
ECCLESIASTES 12:12-14
2 Timothy 3:16-17
2 Timothy 2:15
Isaiah 29:15
John 14:6
Hebrews 12:5-11
James 5:19-20
Revelation 3:19
Proverbs 10:17
Isaiah 55:7
#GL Muana
