Nisin Thuhiltu leh YVA General Headquarters, Presidential Candidate holimna
April 2, 2022 leh Young Vaiphei Association (YVA) General Headquarters, Presidential Election 2022 umna ding ah Presidential candidate ding ah nomination file mi 4 te’n scrutiny a zaw tak dungzui un, Nisin Thuhiltu in candidate-te holimna a kineipi a, zia chu a nuai ah gual ahi.
Candidate min: Kh. Dousang Vaiphei
Pa min: Tinkholian
Address: Saipum Village
NT : Nisin Thuhiltu
DS : Dousang Vaiphei
NT: Chawmkim tak in nang leh nang la hung kigenchian thei diam?
DS: Keima Kh Dousang Vaiphei ka hile, Saipum khua hung sei lian ka hia, pianpi unau mi 6 laka a upapen apat palina ka hi. Tuhin YVA Saipum Unit tawh YVA Haupi Block – Vice President (2022- 2024) mawpuakna gel ka semkhawm hi.
NT: Bang ziak ah YVA GHQs President hiding lunglut la hi em?
DS: YVA activities ahin hun leh phat tamtak ngaituana ka pia dawk zing a, YVA General Headquarter apat Units tiang ah kivaipuak dan system hi YVA Dan bu mangcha a felzaw kipuak dan ding lunggel ka nei ziak ahi.
NT: YVA GHQs President role hi nang mimal mudan leh ngaidan ah banggual ahi em?
DS: YVA GHQs President role hi hina (title) or panmun (designation) lam a hipua, a nasep thiltuak (impact) khak lam ah mi thuzaw thei, bang dinmun ale mi suthatho (inspiration) thei ding mi ahi. (YVA President role is not about a title or a designation. It’s about impact, influence and inspiration).
NT: YVA GHQs President khat in kituptak ah nasep thilbawlna a neitheina ding in bang poimaw pen in la gel em?
DS: YVA GHQs President khat in nasep kituptak ah thilbawl ding zosia hi ‘hung un ngaitua khawm hitiu’ ti lunggel neithei masakpen hi poimaw pen in ka gel hi.
NT: YVA GHQs kivaipuakna pha la sakpen leh pha la saklo siamphat ding ah la dawi pakhat gel la hung genthei diam?
DS: YVA Dan bu tawh kituak a thilbawl hi pha ka sapen hi. Phalo ka sakpen chu hotu hi ngal, hun leh mun zil ah YVA protocols (dan leh dun) maintain theilo hi ahi.
NT: YVA GHQs in a chiapi ding ah la dawi, promote la bawl nuam bang a um em? Promote bawl ding hile chun, banggual in la seppite promote la bawlpi diam?
DS: YVA panlakna, nasep thilbawl, sum leh pai lam a transparency maintain theina ding pen in kum sin annual report form – YVA Units, YVA Blocks, YVA Joint Hqtrs leh YVA General Headquarters apat activities a neite’u reporting period nei ding dan genkhawmpi pha kasai; zia annual report apat mipite’n YVA activities kum khat sunga panlak dan te’u a hiattheina’u hi’n tin, YVA masawnna ding lampi sialtu poimaw tak ahi, ti ka seppite hiatthiam sak phapen maithei.
NT: La seppite banggual in la tilkho in, la suthatho zing diam?
DS: “Bang chu hileleh, I nasep thilbawl lam tawh I thugen daw zosiate hi Pathian tawh I gam leh nam a di’n aw!” ti’n thumawp ing ka.
NT: La seppite active lo mama ahiloleh poor performance nei umta leh bang la law diam?
DS: A active lona ziak ngaithak piak ka tin, a haksatna puakgik a um chun a dawn zangkhai dan ding ngaitua piak ing ka.
NT: Mipi hotu/puitu hina dawl ah masang ah la experience haksa la sakpen bang ahi em?
DS: Mipi hotu/puitu hina dawl ah haksa ka sakpen khat chu, I seppite’n kipalpuktheina ding kawkhuk lampi gal mu zing ngal ah, kawkhuk um leh umlo lam ei kawkmu nuamlote sepkhawmpi haksa ka sapen hi.
DS: President hile chun nang term sung ah la sepdaw teitei ding thil pakhat la hung gen thei diam?
DS: YVA internal issue tawh external issue maintain piak gua zing ka tin, tunung a ding ah liangvaite gualpha a lulna leh poimawna tangkopi’n, bang gual dinmun a ding lengle, YVA a di’n sepdaw bawlpiakthei ka nei ahi chun lampi phazaw siam pitingtheina’n suangphum hawi tak phum piak ka. Zia chu ka thilthawn piak lopipen hi’na…
