NAMTIN GAMTIN NUMEITE NI BIK’ CHIBAI! INTERNATIONAL WOMEN DAY 2023 By: Pastor Dr Mangthomas Vaiphei
Zia ni bik hi banggual a kimang ti hi, he kha naillo leh aheta leh ki tam in ah, hinla zia ho chu va sut sut da hitiu, Ei uh khawtang leh insung ahin numei mawpuakna hi a len mama ahi, ihiat sau in koi kit hitiu, ahi’ zia ho chu chu le vagen lut sau da hitiu dan leh a dawi dan gual gen dok theilo khai tiu.
Igen ut pen un chawm lut ngal hitiu, gen thatnawp le a um ah.. . nibang zat chia ta kha Awllen Nungak melhoi pen tel na ala um ahi, as appau deu in gen len ‘Miss’ kitelna, Zia Awllen ni hi Vaiphei Namte a ding in hunbik khat ahi, zia hun ahin ki pawlkhamna, Nam lam Ieh Nam la (Guallui laa) leh gualngaila leh khangthu te sutna hun a mat ahi, zia hun ahin’ namsung a maw puakna lian neite chu chawihoina leh pan mun chu leh zingun ahte ala pang uh ahi.
Zia hun bik ahin Vaiphei chanu igam uh leh ichenna tang ua a ding ah a sepna lam a len pen ti leh thiampen te khat in khual lian khat hinna tawh a uap ahi.
Hinla, Chial bik tampi um ma leh, ningkil kal ah kuaman le pangding a le i la gel lou teu leh minu leh pa leh a neu alian tampi ten le auap uh ahi’
Zia ni bik ahin, Vaiphei nungak melhoi kitelna le a um ahi, zia programme hi Vaiphei numeite a ding bik a sai ahi, hun kibichil tak ah, a pang ngam ngam ti dan gual ah, nitum di kuan mama sai in um ma leh Vaiphei nungakte ho chu thanuam leh theitawp sua in ahung kisa tau ahi.
Hun chawm cha sung kisakna na ding hun nei ma leu langkhat lam ah, demna leh gensiatna tampi le a la tuakman kit uh ahi, ahi, zia ho chu le buai pi kit da hitiu. Zia nitak ah I zin gun teu a gen gual in, dawtna tampi ki dawt zawk ah chun zin gun khat in a gen gual a tupna inei ahi leh gen seh tu di um in tin, ahilo leh tawsawt tu ding tawm ma leh, khawtang ading leh nam a ding leh amite a ding a sep suate taklang kom in kipakthu ah a thu tawpna a zaw gual in…
Kareh! Vaiphei nungakte gen pha ut ki satalua kha, thil dang dang le va kai khom kha… zia nitak ah tangval te ti beplo papi khen khat bang zan hak pial apang ding akisa bang a um phial uh ahi,
Zia nitak ah Vaiphei nungak 16 [Sawm leh Guk] Vaiphei nampuan ah hung kivan in, Vaiphei Nam mite mai leh Mipi mai ah Nampi a ding ah hung ding uh kha tuni Gamtin-Namtin numeite ni ahin, bang tin zia ni kha i hiat mil thei diu, Vaiphei khangthu ah I gen mangtaklou diu, amang talo ding, Awllen nungak 16 leh Awllen Nungak ding tel dawh chuam bik a umte leh a bawn un.
Vaiphei nungak leh numei, mi-nute, mipi’te, Vaiphei chanu thak dawsa ten’ le I nam hinau dingpi ngam leh zachat pilote ah khoi mun ah le Ihiatsa tak gual un, Vaiphei numeite tampite mi chung a sem leh bawl thei aki um ahi, thiamna ziak leh hina ziak bep hilo in.
Tuni hun bik ahin I numei teu in i Nam u’a ding ah kipiak zo nateu leh leh adinpi na teu igel dawkthak un i chawi hoi uh ahi.
I vakgen nawp pen chu ahi leh Awllen ah I nungakteu in Nam nungak/numei hinau Nam puan tawh ahung kivan ua, mipi ma ang ah nal tak leh etlawmtak ah hung din uh kha a thupi ahi.
Tuni NAMTIN GAMTIN NUMEITE NI BIK’ ahi kipakpi na thu gen kom in. CHIBAI
