LUNGUALNA HI MAWLZAWLNA AHI:
KL Muana Vaiphei
Mihiam te hi siamtu’n siamtil a pat ah ki lunggual dang in hinkhua lamsuk lamto,thina manna gualzawna changkhawm dinga siam a hi dan siamtil bu a pat in mu leh hiat in aum hi. Ahinla,Pathian thupiak ala zui zaw tak lo ziak un khawsak dan Chuam ban ah nek leh chak hawl dan leh biak dan tiang in kibat lona ahung um ta, tichun suan khat lnsung khat hi napi in ki bang lo na a tam deu tak ziak in amau leh ki tuak leh ki ngaina tak tak thei ta lo chiat in ahung um tau a,atawp in nam chuam phungchuam gual in nei leh gou gam leh gua ahung ki chu in, gal leh sa gual in khawvel hi tuni tiang in ahung um to ta, a kilem na him him um ta lo in ki huichum na’n vai ahun hawm ta ahi.
Namkhat chikhat siam himale nek hawl dan leh chawndan kikhiatna hung piang zel in, kibatlo na tampi um tak ziak in ki chanau na sang in kikhenna leh sa leh gal ki etna kidona te,namchuam dan a ki lak na te a hung lian deu deu ah,Zi leh cha kilak tua na khang in buaina leh kidai dan na ahung tam deu ta, chule, gin na chuam ziak in chin dan leh nek dan ahung ki bat lou phat in nam thiang leh thianglo a hung um a,chule Pathian telchuam leh tel lo aum tak ziak in agam agam in kidona leh ki melmakna a hung lian a tuni tiang a hin Middle East lam ah, Isreal gam te le galmuang lo in Isreal nsm telchuam te le Palestinian leh adang dang simsen lo phial in gam hoimama leh nuam ma ma himale Cham a umtalo ahi, Chun khawvel pumpin alauthawn leh Isreal gam a golul kiphum gu hi a enla ma ma Tam in, buaina a tawp thei ta him puai,Zia haw hi mihing ngaitua na a chun hiat zaw gual lou ahung hi tai.
Gam leh gua ki chu na ziak in le buai na a tam ah, mi le a sing a sing in thina tuak leh liam le bai zing ah, A chang le lemna Siam in a um in, ahin lemna piting him him a um lam a ki he lo phial ahi, A Chang le Pathian siam kawm teu suang in Pathian siamtu phatsan ziak in Siamtu’n agam uh hansia sap khum in manthaina a zui zel hi.
Kidou Nate a hung um zel a,gam chuam chuam buaina khawvel buaina in tuam in Gam chuam chuam Israel,Egypt,Palestine South America,Europe,Russia,Africa, England Pakistan China,India etc gam te hi lungthim munkhat ah um theilo in chawn Dan khan Dan le sakhua chuam chuam zui in, Kituak thei na ding umlo in ngaidan chuam chiat chiapi a hi, ngaitua chang in Pathian in zia gual lawm lawm a kibanglo kituak lo ah, a siam ahi dia aw ti chang bang aum sek hi, ahinla,mihiangtho te lak hun ding leh Judate kumsang lalgam um di thu leh Armageddon ,Rature hun a gen zel bep lou a ama chanchinpha khawvel puansuak a um di ahi ti imu kit a hi.
Zia achung a Bible sung a umte hi thukhat in kawi ta leng a neu diak in ei Mizo,Chin,Kuki Zomi te sung bep I et in le mihian te lung put,chia Dan, kihepi tua lou le khistian chate ihi na dawl ua bawl dingdawl bawl lo ah, thilpha him him guanggal na um lo ah, kimelmat Tua Vai zing hi, lapa pathian in bang gual lung agel diam ti bep in a ngaitua umtak a hi le gelkham tak ahi, ka ti chang atam hi.
Khristian te hi vak chate ihiu ah,avak na midang te ei mu thei na ding nek leh dawn hindan khawsak Dan kilawm kihepi Tua dan,thutak hinkhua, Pathian in ah dawidan kibang ah hinkhua mang ding a ei kinepi leh Siam ahi ziak ah, I vak uh leh heipna hi mizosia muthei ding taklang hitiu, Pathian dawi gual hinkhua ama dawi gual ah, semdawk thak hitiu a khuti lo chun Lalpa kianga I suanlam di um lou talent hawm te gual le mou-dawn te gual in mualphou khai tiu.Ahun lai in thei tawp in Lalna sem hi tiu Amen .
Adiak Ei unau Chin-Kuki-Mizo/Zomi kiti te ziak hi’n Pathian pakhat ging leh pawm leh chawn Dan kibang hinapi in lunggual tak khawsa khawm theilo I bible in Ei ziltil gual a kihepi na ,hinkhua thiangtho,kilemna Krista sepbak sem la um Lou,a min ah gingtu minpua ki Pathian mi sakvek ,khawtang vaihawmna la dik lou,kochuam te la ki bukim diak lou, vaihawm te leh politician te la khawk zawdiak, Pathian chun ei musuak kei ah Vangam eu a dinga umlou pi khat kinem mai mai khat ihiu ti Chang bang le aum hi.
Khaile! khawvel siamtu Pathian hing um ngei ahi a ma dawi gual in hinkhu mang hitiu in, ama lalgam na sem hitui, Ama chu hung vak di ahi tai.Pathian chate Ihi ziak un ginglo chaten Pathian hing chate ahiu ti a ei pawm thei na ding in ki siam Thak chiat hitiu.
