26th Nov 2021 | Kanam Vaiphei
Upa Ginkhawlel Kum 91 H/o Chongtinniang, Saipum tu zingkal 6:00am ding tum chun eila mualliam san tai ti thu hiat ahi. Tu ni ma a chen na Saipum khua,KSP Kochuam leh YVA te mapui na vuiliam na programmee um ding in le thu hiat ahi. Pu Ginkhawlel hi KSP Kouchuam ah UPa tel tin ala hi bep hilo in, KSP Kochuam ading ah Moderator hina na tiang mawpuak na ala tu, tia chu, Pathian ading ah thilpha sem ah kochuam ah ala ki pemi ala hi ahi. Ainsungmi te bep hilo in aumna Kouchuam te leh akhua le veng , alawile paite ading in mannalian tak le hi ding ahi. Zia te zosia chung ah chun Lalpan thamuan in umpi zingta hen.
