LA HINKHUA HI BANG AHIA HEM
By- KL Muana Vaiphei
Mihiam hinna hi lul leh chawmcha hing ding ah siam leh guat himaleh, midang te a ding in MALZAWL tu hi ding ah siam leh guat ahi. Zia hunbi chu amat na ding akulna leh diktak ah mat ahi ah siamtu guanggal na asubukim tu pan ahi chun a siamtu Pathian a chawisang ahi.
Mihiam hinkhua hi aphalam ahem a selam ahem mang leu hin le hun chawmkhat zaw leh tuanthu gual mai a chang sek hi. Ahinla, thilpha bawl te chanchin chu tuanthu ngainawp um leh khangsawn te lawtinna ahung hisek hi. Zia gual ma chun, lungkham lunngai hun hi a sawt ah, limlai hun hi zing pakcha nitak lam ah a tuai gual mai in zia khawvel ahin a mang thai nuam hi.
Zia damlai hun chawmcha la nei hi limna leh kipakna mang inla, midang te a ding in malzawl tu’n pang in. Ahinla, zia hi hezing in, la kiang leh kimvel ah umte hi ahun thamuantu himaleh la lungthim ngaituana leh guanggalna chu hilkim ziang kin, thim leh vak kikhen thei ahi gual in, la ngai leh la taksan te’n le hun kilepsan thei zing ahiu. Lalpa chu muang in bel inla, a ngaituana leh thagau achun um zing in, Ama’n la lampi di chu a hun hetpi mama hi.
