KEILO PATHIAN DANG NEI KIU UN ( Exodus 10)
By- K.L. Muana
Khrista thisan a mihiamte a tat zaw nung in mimal chiat hi Pathian chenna In ihi tau. Pathian chenna In a chun thil buak him him a um thei ta pua, mihiam zosia hi pathian chenna In mun thiangtho ama chenna In ihi tak ziak in, thil thianglo him him a um talo ding ah kineppi chu ihi tau.
Zia gual bawk a chun Lalpa maicham chu amitlo di ahi chuleh a mei chu a kuang ah a al zing di ahi. Maicham ah thiampu te’n kitatna leh kithawina a bawl ding uh leh lungthim thiangtho leh demna bei te’n kithawina a lan sek ui. Thiampu buak te chu maicham a chun athi mai sek un, mipite’n khau in a kai dawk sek uh ahi.
Zia a chung ah ki taklang gual in Jerusalem hi gingtute a ding ah mun thiang tho pen himaleh gitlona tin cheng, mun bawlaw leh kidak um pen ahung hitak ziak in Pathian lungnatna ahuai se ta, zawlneite mang in a sual uh sim ding in tamvei tak puan lawk in a um ah kuama’n a ngaisak puau, mei le kat a sukmang thai ding in a um tau ahi. Tuni tiang inle mi thiangthote leh mi bawlsawmte khawpi ahi zing ah, hun sin in buaina a pung hi.
Mihiamte hile Pathian chenna In hinna di’n ei ma leh thagau leh ginna’n I buai zing ui. Zia buaina luigal chu ikan theina ding in mimal ki sukthianlo chun zia tak Jerusalem mei le kat in hung ki hat tum ngai di ahi. Pathian in keima tilo chu Pathian ho kin ati ahiziak in khawvel thilte him him nusia ki hal thiang chiat hi tiu. Eima ma Pathian In tin gingtute leh temple chule kisu thiangtho in Vangam tep lawkna le hung hintin, khawvel chamna leh zalenna um tan tin chuleh chamna, muanna leh Pathian thu he nailo te le Lalpa kiang ah ki pui lut di ahi. Zia phet chuleh Lalpa chuatuan lemguat lawkna chu lunggual tak ah a min chu chawihawi tai tiu in, lim tak leh kinem tak in Lalpa ni ngak tai tiu.
