21st June 2022 | Kanam Vaiphei
Council of Higher Secondary Education, Government of Manipur apat Pu Ch. Biren Singh, Secretary of Hr.Sec.Education, Manipur thu sua kimu dung zui ah chun Kangvai Higher Secondary School, Kangvai ah Arts & Science of Class -XI chu tu chung session 2022 – 2023 apat simthei ta ding in phalna ape tai. Zia thak Class -XI sim nuam te ading ah chun Arts & Science subject te gel hi a dawi pen pen uh lak thei ding ti ahi.
Zia gual ah thiam zilna ngai khawk a pan hun la Zillai lawiupa adiak ah Zillai General Hq. leh Zillai Kangvai Block te kipiak zawna hi thupi ahi iti lo thei pua chun Sir W.Ibomcha Principal, Kangvai Hr.Sec.School in le pan nasa tak a Administation lam hin office lam hitaleh mapui in tha ala seng nasatak zet hi. Ahin la ma hi tuma deu cha khan zia tak school ah pat hin ala ki chawn dawk man tai. Zia gual a Kangvai Higher Sec.School pua phat na ding ah pan la tute zosia hi akipak pi um tak zet ui. Vak hiat be ding ah chun, kum kit session leh Class-XII le admission bawl zawl thei hi ngal ding ahi.
Zia a nuai ah hin subject chia ding dan vak en hitiu.
Common Subject a 1)English 2) Alt.English 3) Manipuri(MIL) 4) Vaiphei(MIL) 5)Thadou Kuki(MIL) 6)Geography 7)Mathematics 8)Human Ecology and Family Sciences
Arts Group a : 1)Political Sciences 2) History 3) Economics 4) Education 5) Sociology.
Science Group a: 1) Physics 2) Chemistry 3) Biology.
Zia gual ah zillai te thiamzil na ngai khawk a Government in pan ahun lak hi adiak ah zia tak mun a chengte ading in thilphachuam mama hi ding ahi tai.
