⛪ JERUSALEM AH BIAK INN( TEMPLE)💒
Aziktu: Pu Ginlalthuam
Lalgin inn
Mualngat innpi
Khualzinna Gam
Jerusalem ah Biak inn(Temple) thupi tak hung kitun dawhna hih B C 1010 lai in Lal David in dangka Shekel 50 ah Arunah Jebusite mite kiang apat a gam hih ala chawdawk hi(2 Samuel 24:24)
Chuleh a khawpi hih David khawpi tih ahle hiat ahi ban in khawvel ading in gam lailung pen le ahi.
Chun, Leng leh Lal tam tak in Jerusalem Biak inn sukmang ding hih ala ngaitua sek uh ahi.
BIAKINN MASA KITUNG DAWHDAN:
B.C 1000 vel a chun Lal David in Jebusite khawpi chuh ala latan, zia chun Moriah mual khat aum ah zia mual achun Lalpa Pathian, David kiang ah a kilâkna mun ah chun a chapa Solomon in Biak inn chuh ahung sadawk ta ahi.(2 Khangthu 3:1) Zia Biakinn tung dawk tu chuh Solomon ahi ziak in, Solomon Temple ti a le hiat ahi.(1 Lengte 9:3)
Chun, zia Biak inn a sak sung chuh BC 997-990 tuam vel ahi.
Biak inn latna anei zaw in, zân ah Lalpa chuh Solomon kiangin a hung kilâk kit hi….. ” La pauchapna chuh ka hiai, la Biak inn sak chuh ka kiang ah la kithawina mun ding un ka pawm piak hi( 2 Khangthu 7: 12)
BIAK INN MASA KISUK CHIMNA:
Israel te chun Lalpa Pathian lung a tuak tâklo ziak un, Pathian a chung un a lungna tâ.
B.C 587 vel in Babylon Leng, Nebukadnezzar in zia Biak inn chuh ala sumang khah ta ahi. Zia kipat chun Juda mite chuh suak leh sâl in puiman in ala um tau ahi.
Tichun, kum 70 vel ding puiman ahi nung un, Babylon ah genthei haksatna tincheng a thuak nung un, Pathian kiang ah kisik in a pauchap tau ahi.
A khawpiu……Zion ah, nawpsa tak leh zalen tak ah a khawsak lai niteu thil vawng vawng in, Babylon lui pang ah kichûn, huisum bak chung ah a tingtâng teu bâng in, Zion laa lem/sa thei talo in a kap tau ahi(Sam 137:1-6)
Tichun, Pathian in a cha Israel te kisikna kaa leh mau thawmgi chuh a hiat phat in suak leh sâl apat chun ahung puidawk kik mai ta ahi.
Awle, zia a chung ah Israel te apat i nam in zil ding ah pha kasak a um hi, zia chuh ……Sakhua lam i hotu ten ” Nampi kisik ah Pathian buan ah PAUCHAPNA” tia ala bawl uh kha tu hin le sun zawm kik thei hileh .. ! I nam in a mamawh chuleh damna ding leh ahung chângkan thei na ding in, sunzawm kik hitiu e.
😭
