HIATSAKNA
13th September 2021
Young Vaiphei Association, General Headquarters min in chibai.
YVA GHQ,CEC chun meeting poimaw tak tarik 11-09-2021(Saturday) ni in ala kinei a, thupukna ala um sa gual leh 10th Joint Meeting tarik 12-11-2020 thupukna no.2na,8th CEC Meeting tarik 7-03-2021 thupukna no.2na leh 11th CEC Meeting tarik 11-09-2021 thupukna no.3na dungzui in tigual hin YVA Election na ding hun ahung kibawl ahi.
YVA GHQ chun Election vai ah kigual tak a chia ding doina in Unit( Term bei ta leh aum nalai te) zosian ahung tung ding December 1-25th,2021 sungah election nei suak hin tin, zia chu Election Commissioner ah YVA Block tin ah Executive te pang ding a hiu.
(Kuale, Hausa hiatpina tawh Unit Election a la nei zo pan ahem te ding in, Term vanglak laitak le a himaithei hi. Himaleh, Election hun kigualna ding ah guanggal a hi’ziak in, Term ting nailo ah puitu teldaw ah umte mama nominate kit ziang ding lem i sak ua leh le, Khawsung hausa tawh kihetuak ah chiazawm sak thei ahi).
YVA Block te ahi le January 3rd- 20,2022 sungah nei hin tin, zia chun YVA GHQ ah Executive te chu Election Commissioner hi ding ahiu.
Zia dinga chun Block te chungah a poimaw bangkim ngansia ahi bawk ahi.
Chun, YVA GHQ, General Election hi February 23,2022 ah thupi takah nei hin tin, Zia chu AWLLEN toh kop ngal hi ding ahi. General Election na dingah a poimaw Commissioner leh bangkim chu meeting kit hun ah sukfel hi ding ahi.
Chuleh, 2021 YVA Annual fund kha ngaikhok chiat a October tha suang ah submit thei chiat dingah hiatsak ihiu ahi.
Election te hi phatak leh fel takah buaina umlo a nei ahi theina dingin, YVA mi leh sa ten i pauchapnau a he chiat dingin iki chial thak ahi.
Gam leh Nam a dingah la seppiu YVA GHQ min ah chialtu leh hiatsak tu,
Sd/-
(UPA VUNGMINTHANG)
President
Sd/-
(THANGLALSIAM SUANTAK)
General Secretary
