7th Jan 2023 | Kanam Vaiphei
Khawvaiphei Film Company (Ltd) in feature film a bawl 6na ding “Hepina Gasua” kiti chu tuni, January 7, 2023 sunnung dak 1:30 in Pengjang Community Hall ah Pu Lamneimang Vaiphei, Chairman, VPC Kangvai Block in a hawndawna a nei hi. Nitaklam dak 7:30 leh Pengjang Community Hall ah Premiere show um ngal ding a hi.
Zia film ahileh actor leh director minthang Pu C. Minthang Director hina leh Elty Khaute, Asst Director hina ah shooting kibawl, KL Muana, Chairman KFC in produce a bawl a hi. Videography leh Editing chu MC Vaiphei in a bawl a, Actor leh Actress te hi Lalmapui Vaiphei, Nianglemkim, Clara Vaiphei leh a dangdang te ahiu.
Film hawndawna hun a Pu Murphy Mang, Lalkholun te’n laa sa in, Pengjang hausapu Pu Paukholal, KFC Chairman, KL Muana te apat in thugenna a um hi.
