2022 KUMTHAK THUCHA
🌹🌷🌾🌺🌸🌼🌱💐
Changtel: Sam 90:1-17.
🙏👏🤝
Aziktu: Ginlalthuam
‘LALGIN INN’
Mualngat Innpi
Khualzinna Gam.
Simtute zosia damna, vangphatna leh malam kinepna KUMTHAK 2022 Chibai🤝
Hun liam tasa chuleh kumlui ah kipakna, dahna leh sungkim ah lenlaini tekhah hung kinung hei kik talo dingah zamualpi aliam nungin, Pathian mapui na’n hunthak, kumthak mel dawi um mutheina lai dinga innsung, khuasung, kochuam sung, namsung leh gamsung ah Lalpa Pathian dawisakna i chan ziakun i lungdam thupha i puang ahi.
Lalpa Pathian in kumthak 2022 ei puitung na ziak ah um ngeiding ahi, a ziak/asan pen, ei ma mani’n i hawldawh ngai ahi.
” KHANGKHAT A BEI AH, KHANGDANG A HUNG UM KIT AH, HIMALEH LEI LUNG CHUH A DANGLAM PUAI” Thugentu 1:4.
Hotu Mosia tin ala pauchap ahi………….! “Khâng zosia i chennau chuh Lalpa ahi ngal’a, tangte kisiam ma, lei leh khawvel um masang ah, kumtuang ah Pathian la hi.
Nangma’n mi hingte chuh chia kit ta un, lati phat leh ka chia kit ua, leivui ka suak kit sek ui. Nangma adin kum sangkhat hile zani, abei gual mai leh zankhat gual bep ahi.
Mihing hinna chuh tuifawn gual in la tawk mang ah, zanmang gual in a bei kawm sek ah, zingkal ah hampa gual mai ahi.
La lungnat na’n ei sumang thai ah la lung damlona’n ei sulung ngai hi. Ka gitlonau chuh la ang in la kawi ah, a guk ah ka sualnau chuh la muzing hi.
Ka damsung niteu chuh la mit tung zolo in ka mangzo ua, ka damsung kum teu chuh tuanthu gual bep in a bei sek hi, ka damsung uh chuh kum sawm sagi ahia, hatna ziak’in kum sawm giat ahi. Ahin, damsawtna chuh le sepgimna leh lungkhamna bep ahi. Kin tak in abei ah, ka lengmang sek ui.
La lungnatna laudan hia, la lau um gual a hun lauthei mihing aum ngai em ?
Zia ziakachun, ka damsung niteu mat ding dan ei hil in, pilna ka nei theina ding un.
Aw Lalpa, bangchan ei nusia ding la hem ? La lunghei inla, ei hung ngaitua kit in.
Aw Lalpa, zingkal in la zangaina’n ei sulim inla, ka damsung niteu kipak tak in ei mat tum sak aw. . . ……!
Gentheina leh lungngaina ka thawk hun sung uh tawh kigun in kipak na hun ei mat sak in. La thilbawl hawh chuh la mite etsak inla, la thupi zia chuh a suan leh pakteu le musak in. Lalpa Pathian dawisakna chuh ka chung un um hen la, ka khut nasep uh malzawl in”.
A chung ah puitu Mosia pauchapna gual in……pauchap mi hung pung henla, kipakna hinkhua mangzing thei dingin gitlo, sukkhial kingaidam tua zing in, damlai hun chawmcha sung ah hin Lalpa Pathian minlam zing kawm in lung kigual tak ah chengkhawm, semkhawm, takhawm, bualkhawm i hizing theina ding un………..!
Lungnat kisum ding, engsiat bawllo ding, kisakthei leh kiletsak lo ding, mizosia tawh kicham zing ding, nu leh pa, hotute leh chung amite za ngei ngei ding, kigensiat lo ding, innvengte siatna ding bawllo ding, ki ngaitawm ah, thudik ah khua leh tui/ vengnuam hisak guachiat in Lalpa Pathian in KUMTHAK malzawlna, vangphatna tawh damna ten i khawsakna mun chiat un ei umpi leh ei chenchil zing ta hen.
Awle, atawpna ding in tukum thak hih nang a ding ah la khualzinna khawvel tawpna ding hitah maileh………! Bangtin la thagau hinkhua la mang ta diam ?
😇😅😭😰😄😂🤣
