8th July 2021 | Kanam Vaiphei
Zani chun Vaiphei People’s Council (VPC) Cabinet ten Manipur State kivaihawm na lianpen Pu N.Biren Singh Chief Minister Government of Manipur ava ki mupi ui ti thu hiat ahi.
Pu Hauneilal Vaiphei President, Vaiphei People’s Council , Pu.Kaiminlun, Pu Liansong Vaiphei leh Pu LM.Khaute IPS, DGP ten Manipur CM a office ah va ki Mupi in, I gam ah Manipur state government in khantona lam ah pan alak dan te ki pak pi na leh maban ah sep ding le tampi um nalai ahi dan thingpi tuitak dawn kawm in ava holim ui. Zia chu hun lem chang alan, Vaiphei People’s Council min in Pu N.Biren Sing kiang in memorandum le ape ngal ui.
Vaiphei te chen namun tin ah khanto na tamsem tut chu Vaiphei People’s Council puakgik ahi zing taw ki tawn in, zia hun hi guanggal hi ngei ding in iging cha, aban leh Pu.Hauneilal Vaiphei, tu nai chau VPC President thak in apuak gik, Vaiphei Chate akhanto sem thei na ding ah igam vaihawmtute taw sep khawm a apawi na dan puak agen zing chu ahung sep topan ahi ta mai diam? ti mipi ngai dan tamtak asiam hial tai.
