VAIHAWM TU PIL LEH ZIAN NGAI A PAWI MAW HI:
-KL Muana Khaute
Khawvel ah mihiam te hi, chawndan leh hindan chuam chuam i um a, I pian na phunggui ki bang lo leh gin dan chi tam tak a um ah, nek leh dawn sil leh leh chen ki banglo tamtak state khat a cheng khawm i hiu a, vaihawm tu te’n le zia kibat lona, hia zing kawm ah, vai a hawm ua chun, zia gam-sung chu a buai ngai puai, thiamna leh khantona bep lo kitang gual tak a cheng-khawm thei lo in buaina a um mun diak hi.
I Bible in Beram hawn ching-te chan chin leh tingtang gam a bawng leh lawi ching te hi’n le sa leh gal lak in a veng un, chuleh tui leh an phat na mun ah, ching te chu a lawting in, a in chenpi piu a ,hausak nan le a mang thei sek ui . A hinla a gan-hawn ching tup lo te chun, sa leh gal nei lo gual ah, gan-hawn teu a tha zau ua, an hawi leh tui dawn ding kiting a mu zaw lo ziak un, nat na te a vei ua , athi ah, zawngkhal a um sek ui, a gan-hawn teu chu nisin in a kiam in, a tawp le, a hawn ding a nei ta puau ah, chatgatna’n a hun del zui ta, a ding dawk zaw ta lo sek a hi.
Gan hawn ching khen khat in, Kel leh Beram bang, a chuam gel in a tat-sak sek un, amau lunglut leh ngainat dan dung zui in, a en kawl sek u’i .Achu ti lochun nek leh chak dan kibang lo i kawi khawm phat leh ganchate a thau thei puau a, dam le a dam thei puau , a diak in, gan -hawn lak in sa-sial nechi sakei sahang gancha dang lak in, khawi khawm le hin, ki netua in gan nei tu chu a gim thawn mai hung hi ding a hi.
Zia gual bawk a chun Manipur Tribe/Nam tam tak chengkhawm sil leh chen a le kibang lo,chawn dan leh sabiak dan- gindan leh nek leh chak ki bang lo, zia chu hilo in, Nam Lian deu leh neudeu le a ki tam ah, zia haw kawm kal ah, vaihawm di chu mi pil leh zian ngai deu te’n vai a hun hawm lo chun ki daidan na hung tam deu in, gam khantona um thei lo di a hi ziak in, Pathian nei mipil leh ching in, vaihawma hawm leh Vaihawm thiam a pawi mawi, chun vaihawm te hi mirror ah, a ki-vaihawm dan dik leh dik lo hung ki he chian a a mi a sate a dam a ki khanto sem na ding in, pan hung lathak ding ua, I dawi sak zia chu a ma mimal a di bep Hilo ah, a suan a pak teu tiang, Gam cheimawi tu a hung hi ah, mipi a ding a le masawm leh khantona a hun hi ah, siamtu lopi na sulangtu ding in, Siamtu’n ei ngakla ta lua ta a hi.
Bang a hem tia Vaihawm tu te hi a ki siam phat nawp ua a hi chun, action chikhat lak a hem election kit tak le mipi ten tel tak lo ah,a chunga criminal case tampi anei teu pansan in, damsung jail a khawi thei leu hin ki ziltilna phatak ding ka gel hi.
A bang chu hita leh khawvel a hin thudik leh thutak a Pathian dawi dan a vaihawm di I dawi ah, khawvel pumpi’n chamna leh lemna a hawl zing ah, tuni ting a hin lemna sang in, gitlo na a sang deu deu mai ta, nisin natna ziak hilo in, sa leh gal ziak a thi a tam zaw zing ah, himaleh ei gingtu Christian te tuipi chunga Lawng a Chuang tui a let lai sia, sang deu deu ding in khris a ginna’n kithuam in kunglam del ham ham hitiu aw.
Gamkhat vaihawm tu ding tel hi ngal a vaihawm zolo a hiu chun, ki phalam lo hial in ki resign mai leu himai lo ding a hem? A hi lo leh Nam chuam, pauchuam, ginna chuam chiat kal ki kim theilo tho tho, ki siat khen sang in, unau khat ki In Chuan gual in ki In Chuan mai, ei phal leu buai na hi tawm deu Mai ding a hi. Zia a chun hunpha a um pet a hin lim leh kipak tak in, Bristist te ei khen piak sa Outer and Inner Manipur in ki khen hiau leu hin, damna di pen uh himai lo ding a hem? aziak chu ut leh da a ki khen thotho ding ihi ziak un, ki siat khen sang in kiphat khen chu lu-khawng nei zaw di a hi ti hi mudan a hi.
