✌️THIlPHA BAWL😇
Bible changtel: Galatia 6: 9.
Azik tu: Pu Ginlalthuam
Lalgin Inn
Mualngat Innpi
Khualzinna Gam
🌷💘💐
Ziaziak achun, thilpha bawl chimchak puai tiu. Thilpha bawl ah i hapan zing ua leh a hun tak in a gaa luak tei ding i hiu.
Mi khawtua thiam(Be kind) mi haksat gentheina a panpi tute hin zia khawvel khualzinna gam ahin tatmawna him him a neilo un ka hei……!
Nikhat train chung ah train ticket examiner TTE khat in Mumbai apat Bangalore zuan ah tai, train ticket check ahung bawl ahileh numei chapang kum 14 vel mi khat hih ticket neilo a seat nuai in ala kisel ahun mudawk in, tichun TTE pa’n, kûmding in thu ahun piata, zia phat achun anunglam ua nupi khat Mrs Usha Bhattacharya College Lecturer khat hin, keiman penangka nawtha kin atia train chuangman chuh apiak piak ta ahi.
Chutichun kum 20 zaw in, Delhi Restaurant khat ah Mrs Bhattacharya in ann anek ahileh a ann nek man (bill) peding avak kisak leh ala kipezo keita ahi. Kuapiak ahem tia a kanvel le anunglam ah chu…… kum 20 masang ah train ticket man ala piak piak nu khan ala pezo daita ahi.
Bang atia ka ann nek man lei piak piak ahem ? Tiin avak dawt le…..? Ama nu chun, Madam, la ann nekman kapiak hih bangma kham ahi puai, nang in Mumbai apat Bangalore chan train ticket lei piak kepkha tawh tekak thei ahi puai.
Madam, zia hunlai ah train ticket nei zolo ah lei la piak piak ah lei khawtuana, ka chung ah thilpha lei bawl piakna kha ka hemil theilo ahi, tiin kikawi in akap hial ziang uh ahi.
Ahi ngut hih midang chung ah thilpha bawl hin mihing hinkhaw a siampha thei in, mi liangvai genthei panpi ngaite panpi naleh thilpha bawl hih mi panpi thei ah la umlai in khawngai kin, thei-pa-tawp sua in pangzing hitiu e.
Ziaziak achun, thilpha bawl chimchak puai tiu. Thilpha bawl ah i hapan zing ua leh a hun tak in a gaa luak ngei ding i hiu.
Lalpa Pathian in simtute zosia thilpha bawl thei zing ding in damna ei pechiat ta hen.
💪
