SELF ADMINISTRATION PAWI MAWMASA
Meitei gal ziak in tu hin Separate administration chu I pawi maw ngei ui. A ziak chu amau taw ki cheng khawm thei talo ahi ziak ahi.
A tangpi a et in thil him him hi mani keng ah ki din thei chu Nu leh PA ten chate ei hil na chiat uh leh ei dawisak chiat uh ahi. Cha te nungak , tang tangval zota, thiam tak tak le nei lo, Zi leh cha nei thei ding khawp a pi ting chiat hi ta, ahin la mani keng a ki din thei lo cha le nau aum thei hi. Zia gual ma chun, Pi le pu te hun taw te in tu hin chu Gospel centenary(Kum 100) le mang thei ta ihiu chun, a pi ting kawi khat chu ihi tau, Mizo Accord hun lai in chu neu khat piting nai deu lo ihiu kha. Tun chu khawi tak parliament ah le ding thei ding ah I Pathian un ma ei pui a zia tiang hi ei la et kawl to ihi tak uh chun, ei un le piting khat ihi nau ah mani ah din chu i gaw thei tau.
Tu hin SA itiu hi I bang phut khak ziak ua ki ko dawk/Zak ihiu. Chu ti lo in le mani ah ki vaihawm chu I ki bawl daw uh a kul tai. Self Administration self governed iki bawl uh a ngai hi. Ei le ei ki bawl thei lopi, mi piak ding, Central government ei piak ding, N Biren Singh ei piak ding, Neighboring state te ei piak ziang ding gual ah iki ngak uh chun, zia chu thil um thei lak ah thil haksa mama te khat ahi .
Ei ma leh ei ma iki to del guat ah I phut guat nak nak ahi chun alampi hung um ziang ding ahi. I town sung ahoi na ding in I town ah Nula te, Business setup te, water supply te , electricity, internet connection, eduction te mi a sang ah hoi zaw siam guat ah sum tampi invest bawl ah siam phat sese di ti na hilo in, a um bang bang facility I nei te kha , systematic deu ah chia sak guat ding ahi. Electric le ei mau leh ei mau ki to del thei ding ahi, a buai um diak di chu education lam, zia chu le ahi thei di dan um tho, Private ah Kai sak vek di, chun, Fees te kha tu sang a niam zaw deu in la leu hin, mi zosia Kai sak zo ding hi mai ahi. Tha law(Teacher) chu Government a sang ah tawm zaw deu in kum khat kum ni chu chia pi thei mama ding a , tak chu le awl a Government te a taw ki bang a suk tam kit thei ahi.
Tu a Traffic, nula leh waste na tiang ei ma leh ei man iki bawl thei na tiang en kawl thei lo te ihiu chun, tu SA mu ding itiu hi, Pin bil hawm sung ah Saipi thun guatgual chu hi nalai ding ahi.
