2nd Dec 2022 | Kanam Vaiphei
Pa Jonathan (36) S/o Thangkhosoi Compound veng, D. Phailian chun date 01 /12/ 22 ni khan vangsiat um takin Luidung achiana lam in chanpal tuak in azi acha asuapi tele a Insung mi leh akhan gual ngai cheng nusia in akumtuang munding eila zawtsan tai ti thu hiat ahi.
Ama (L) Jonathan hi tu letu ahin YVA Compound veng unit ahin Pan mun poimaw tak hina tuzing lai ahi chule YVA Cabinet adinga kisuanpi um tak le ahi bana Mi pautam hehu lou leh pawlnuam tak Leader Respect dan thiam takleh minial ngailou khawtang ading leh gam lenam adinga sumsial ngailou Mi kukal mama khat ahi. Amahin Azi Mrs Lammery taw Gila ga chapa khatleh Numei pani anei ui Date 02 /12/ 22 nile D. Phailian Cemetery a YVA Unit leh Jubilee kochuam Malak na vuiliam hiding ahi.
Anutsia Insung mite Pathian thamuan tahen.
YVA-GHQs in Puankhuna nei
D. Loupum leh Lailong ki gamgitna lui Mawngkai lui kitina mun ah zani tawikhial ziaka ei beisan Jonathan (36) S/o Thangkhosoi of Compound Veng luang chu tuzan dak 10:40 tuam ah mudaw ahi tawh kizui in tuzan mama a luang chu inn lum zawtpi ahi.
YVA GHQs leh Lamka Block te’n tuzan mama in thiltunna mun chu del in Thiluang pawte tawh Lungchuang le V. Munlai kikal in a kituak ui.
Zia mun achun Pu Kaisawmlal, Vice President, YVA-GHQ in vaidawn thu agen banah Pauchapna nei in thugenna hun saulou anei a, zia zaw chun YVA GHQ President, Vice a leh Ambulance incharge apat Pu S. Lalchawilian te’n YVA GHQ min Jonathan luang chu Puandum in a tuam ui.
Jonathan luang hawlna panla YMA Saichang, Santing, Lailong, Chongchin le Kawnpi banah YVA Tuipiduang Block te’ chung in kipakthu Vice President in YVA GHQ min in agen hi.
Thi luang chu YVA Lamka Block te’n le a dawn ban un YVA V. Munlai Unit te’n le dawn in Puandum in aluang atuam ua, chuleh YVA Chongkhozou Block te’n Chiangpi mun ah lamtua in a luang Puandum in a tuam ui.
Note: Mithi luang hi tuzingkal dak 6:20 tuam in S Khawlian ahung khel suk tau tithu hiat ahi
*Information & Publicity,
YVA General Headquarters*
