19th Feb 2021 | Kanam Vaiphei
YVA UNIT THAK HAWNG
YVA Kangvai Block sungah Unit 18na ding in *YVA S. Chakmual Unit* hawnna leh Puitu thak têlna nei ahi.
K. Chung Vaiphei, President, YVA Kangvai Block in a mapui in, _”Hausa leh Genthei in kikalkim tak ah Khawtâng nasep a chiakhawmpi theina dingah puitu hawi leh pawimaw mama chu YVA ahi”_ ti thupi mang in holimna a nei in, Upa Lalkithang, S. Chakmual Hausapu’n, _”YVA hi, Youth Club dang tawh tepi thei di gual hilo, taksa lam leh i ginna thuu ah ei chawilian mama khat ahia, YVA Block puitute tawmngaina ziak ah kei ma’u khua le Unit hawng thei ah ium ziak un kipak um ka sa mama hi”_ ti thute gen in puitu ding têlna nei ngal ahia,
*T. Minlun* – President
*Thangthiansang* – V/President têldaw ahiu.Têldaw thak ah um Unit President kiang in YVA Dân-bu leh YVA Flag, Block President in piakdawna anei ngal hi.
Pu Paudolam, V/President YVA Block in teldaw thak ah umte tawsawtna thu a gen in, Pu Thangminlian, Organizing Secretary, YVA Block ngei inle, “YVA hin Qualification a mamaw pen pua, Liangvaite gualpha hina nasep tawmngaipitu chu Graduate himai ahi” ti thute apat tîlkhona anei hi.
*YVA S. Chakmual Unit* thak leh têldaw ah um puitu te â di’n Upa Ginkhup in pauchapna anei hi.
*📁__Admin__✍🏻*
*Vaiphei Tawngsua*
