NAWK HAT, KIHOTHEILOU HILE KHANLETNA DALTU KHAT AHI.
Ziktu: Pu. Ginlalthuam
“LALGIN INN”
Mualngat Innpi.
Po.Moirang-795133
(LALPA A AHI)
Khawvel ah mihingte hih Pathian in kihothei takah khawsa khawm dingah ei lah siam kihimaleh mihiamte hih kih kihbanglo hial ziang….lungput,mel leh puam,khawheidan, dudan,dawidan kibang kih umlo; a khen khat chuh nawk hat,mi tawh kicham nuamlo,kipakna chang helo,kamtawm, kamtam, taima mah ma,thabeima ma tibang hih mihingte hindan ahi.
Nawk- hat ziakin thilhawi thilpha tam tak i chanthei in chuleh ho leh biakna kawng ahle kikhen sawn sawnna atun thei nalai ahi.
India tawh a kigamgitpi te Pakistan, Bangladesh, Srilanka,Nepal,Bhutan,Myanmar leh China tawh khanletna dingin khatvei vei kihotua in ki nawptuana suai ala kai sek maleu Pakistan tawh chuh tuni chan in kihotuana um ngailo ahi. A ziakchuh Pakistante hih India tawh kihotua ding dawite chuh Prime Minister in atel ngailou him him uh ahi. Ziakachun kum 1947 apat tuni chan in JAMMU & KASHMIR ah gaalguk bawl beithei ngailo ahi.
India te hin agam uhi gamdang ah chawntheilo ahi ziakun…..we have to learn how to love with Pakistan tilou means dang umlou phawt ahi. Sapten….you can not choose your neighbour atiu ahi.
Mihiamte hih sualna kidim ahitak ziakin nawk hat,kihotheilou nate ziakin khanletna tamtak adal thei ahi.
Pathian lekhabu….Rom 3:10-18. Kuama midik aum pua,pakhat chah le aum puai.Kuama hethiam aum pua, kuama Pathian hawlle aum puai. Lam diklo lam in apet ua,mi mattak aum puau.A gawl uh chuh thaankihawng gual ahin,a lei uh mithepna thu,a kamsung uh gulgu leh hanselawna chuleh kigensiatna. A keng uh chuh thisan suana,a lampiu a chun siatna leh lungkhamna aum hi. Amau achun kichamna him him um theilou ,chuleh Pathian kichatna him aum talou ahi.
Khang chiadan leh mihiamte hindan isui lai in,tu khang hih kilungsiat leh kihepina khang tithei ei tapuai,gamkhat leh gamkhat kihotua talou bang a tam ta ahi.
Iran leh Iraq bang kum 8 hial ala kido; South leh North Veitnam, East leh West Germany, South leh North Korea, Israel tawh Palestine chuleh gamdang tampi tak le khawvel ahin kido kigaal a beithei talou ahi.
Awle, i gennawp pen ahileh innsung, kochuamsung,khawsung/vengsung leh namsung ah kinawk, kihotheilouna te hih paithan, malam kinepna lianpi tawh, ei Pathian chate bek hin kichamna gaal sat in, i bualna vangkhua chiat un pan la thak chiat in,damna chuleh hiselna pha tawh Lalpa’n ei umpi chiat tau hen.
🌷💝🌸🌾
