MIHIAMTE PATHIAN LOPI SAK DING A SIAM
Gingtute,LALPA PATHIAN JESU KHRISTA tatsate chun Pathian in a siam(created)ziak aki ahechian ui. Pathian in bang tup pipen a zia khawvel mun ahi damlai hun chawmcha mang dingah ei kawi ahem tihi a ngaitua tua un ahi. Kua ding a hing kahi em? Kua ading a zia leisiat damlai hun chomcha hi mangtum ding kahi em? ti dawtna hi mimal chiat kidawt sek ding ahi. Zia dawtna leh dawngna hi hetchian a poima mama in bakah Khristian te ading a thugin poimaw pen khat le ahi. Bible a imu gual in Pathian a ding ah siam ihiu hi. PATHIAN tawh hunsin kipawl zing a,Ama lopina(glorify) ding a hing ding a siam ihiu hi!
Mani cha leh naute, inkuante leh nam mipite Pathian nei, Pathian thumantna leh Pathian lopina ding a ziltilna hinkhua mat sang in Zia Khawvel setan lalna (pagans world/nation) nuam sa takah hinkhua hung zapto ding ah sinsak(trained) ihi zawk khak ding lauthawng um mama ahi. Ki ngaitua phai tiu e! Sum dinmun phatna(huasatna) ding ahiphawt ahem ahiloleh inchen lochen nawpna ding ahiphawt leh khawksakna bangma neilo ihi ziang uh em? Pathian lunglam,Bible zilsakna gélphalo a, Pathian nelsia takah kawi mai ihiu em le?
A vangtang in Mipite leh adiakin Kochuam mapuitute ki ngaitua phai tiu. Adan dan thawh leh akilom mai mai ah Umna hi haisan huntak zet ahi. Pathian leh athu hi kichepna mat him him ding ahi puai! Pathian in a it mama a belamte(mipite) puikhial khak ding lau um mama ahi. Et tawn takding umlo, puitu khat hingal Pathian Thunuai leh Pathian thu a ki sawizoilo, Pathian thu zil peilo leh thudik a hiltheilo(uncorrectable) i gam Khristian kochuamte lak ahin atam mama hi!
Pathian hun tiam ihetlo gual un, i khawvel hinkhua atawpna ding hun ihetlo ziak in Gitlo kisik a Pathian lam pan ding in, lunggil takin iki chial ui. Aigupta Sual hinkhua, Pathian dawilo gual hinkhua khelah taloin Pathian in gamthak ei tiampiak Kanaan gam lam pan tai tiu!
ROMTE 12:2
Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in
*Hunsin phatsin a Pathian Thu buaipi, Pathian tawh kipawl(enjoy) a Pathian Lopina ding ah hinkhua mat chu PA PATHIAN in mihing te apat a akinepna thupi pen ahi ti hezing hitiu e.
TO GOD BE THE GLORY, SOLI DE GLORIA
1 KORINTH 10:31
[31] Chutichun, la nêk unle, la dawn unle, la thil hi’ taphot uh chu, Pathian lopina ding bep in hiu in
THUGENTU 12:13-14
[13] A bawn ah thu khâkna chu ngaitha’i tiu: Pathian chu lau inla, a thupiak vop zing in; zia chu mitin hi’ ding ah poimaw pen ahi ngal a. [14] Pathian in I thilbawl zosiau, a gûk ah kibawl hi hen la, a pha hi’n a sia hileh, a vaihawmna mun ah hun lakhawm sik sek ding ahi ngal a
Bible Sim dingte:
Psalm 145
ECCLESIASTES 12
Isaiah 1:13
Proverbs 6:16-19
Hosea 6:6
ROMANS 12
Lamentation 3:40
SAMUEL 15:24-25
Isaiah 55:7
The Westminster larger Catechism
#GL Muana
