I Gam agen thei taw, Khat vei khat vei leh kawt kikhak khum ziang in nek apaing lo ahi.
I hetsau gual un, I gam uh Lamka Mihausa tampi um ma leu hin, Migenthei nisin nek kawm hawl i tam dan uh chu,mi hausa te ningtel kham set ihiu. Zia kawm kal ah khawsa te ihi zing lai ua, tu khawvel ah pulthi na ahun tun zing taw ki tawn in, genthei asu uang diak hi. I genthei ziak uh le hikhawl lo ah tui neilo ziak ah inthang te tui va khai ding i zachak le kitina khawp, tuhin, Insak te kiang ah Anchang dawn ah tai ahun ngai ta mai hin,lung ki lam dan le aum in, ut le aum puan,Zachak le aum mama hi. Zia haw zosia chu Covid 19, mihingpul,Lockdown ziak ahi deu hi.
Ati leh zia mihing pul natna Covid19 ,Lock down hi bang ti pum pe ding ihi tau em?
Covid19,Mihingpul nat na ziak in Lockdown , Kikawtkamkhum hi hung ki pan ahi ti chu i hetsau ahi tai. Ati leh Covid 19 subei len lock down chu umlo mai ding ti na ahin, 100% zia hi dik ding in hiat ahi.
Nat na chuam chuam Vaccines ala um tan, zia te chu a tangpi in, tu nung leh nat na i taksa umte dal na ding ahi deu vek hi. Tu ah Covid19 hile zia gual tho chu ahi ziak in,tu leh tu vak kikap ah, nat na thiziang ding tina vang ahipuai, ahin la tu lakikaplole danni tak le lakikaplo ziak in buaise thei lahi zel hi. Zia ziak chun , Vaccines le kikap tei chu a phai. Tu hin Covi19 bang ti suk bei ding iti ahi chun, I damlo na te ahuai siat ma hoitak ah ki etkawl aphai. Lamka i chia dan tangpiu hi, Pandukan ah nekthei chaw gual in, kaluchang nai,iti leh Pharmacy damdawi vak chawk i ching mama ui. Sum neilo ten, sum chawi bailam lo ten le bat ah vak nenalai. Lu chang nat, Sunghatlo ahi phat leh damdawi nek ding ti chu, ahi sa ahi, ahinla zia hin bang bang ngai tua ding aum em ti le hiat belap aphai. I natna te hi a su dam tu diktak chu Pathian ahi. Jesu Christa chau in damna kim aum hi. zia hi i ginchak masak mai uh hilo in, zia hi iki ngak diu akul hi. Gin na neilo pi i tuak khak phot thilkhat va mawk ngaw ti bang le i ching mama ui. I gil nat ziak , i luchang nat ziak te hi, I thilnek ziak leh i nisa thawk ziak te ahi deu sek hi.
A ki pat na leh asu damthei tu ding gel sese lo ah Pharmacy te va mawk kizawp pi khak hin,tual losia eitun tak zet ahi. Damdawi chang khat la nek khan lauchang na sudamthei ma leh zing ah la gil na kit thoding ahi ti hemil kin, La gil nat na ziak ah damdawi changkhat la nek khan zingtak leh zia damdawi chang khan la luchang hun su na thei kit ding ahi zel hi. Ati leh damlo phat le damdawi neklo ah bang tidi? damdawi nek lo chun, thina tiang le ei tun thei a, ahinla dawmdawi nekchun, le chatgana ei tun thei ahi zel hi, bang ziak in, Pharmacy ah la vak tailut ah, La ginchak damdawi la mawk nek khan, pha chuam lo in, la nat na khawk se deudeu in, sum seng ah dawmdoi chaw lahi tak ziak in la sum leh la dawmdoi chun ni 3/4 laki ngak sak na lam in, la khawsik hun khawk sia in, Hopital la del phat in, Covid 19 la ki test le Positive la hi khawlo ahi thei hi. La hinna la, a siam tu Pathian ahi ngal ah , nang la, la sum leh la damdawi la gin chak zak in, tual losia ahun tun ta ahi. Zia ziak chun, i damlo a , i gil anat chun, damdawi masa pen ah gel dawk lo in Pathian kiang in ipauchap ding ahi. Chun, mithiamte, Doctor te i dawng ding ahi, chu tileh la damlo dan leh la nat na dung zui in la damdawi di chu hun zik piak thei ding ahiu hi. Doctor la ginchak lo ah, Doctor thiamlo suk khial taw nang gin chak thu la nek ah nang doctor lo suk khial chu khawi atam zaw dam? Mi thiamte,Doctor te suk khial tawm zaw ding ah la gin chak ngai ahi. La va ki etsak ah Doctor in la nat na ahet thilo ah Machine leh equipments te mang ah la nat na hawl ding tile thase kin, Pharmacy ah damdoi Company hoilo la mawk chawk ah lagin chak sang in apha zaw mama nalai hi. Zia hi la tak sang le akul ahi. Damdawi dik tak ahun tak ah la nek phawt nak ahi chun, Hospital ah la vaki admit sese ngai tapuan tin, Covid19 le ki test ngai se puan a, zia phat tak chu leh Covid19 test nang ding in amat na di um ta puan tin, tia chun mitamtak in i hun bawl phat tak uhle a symptom umlo in mithiamte leh doctor te chun hun test talo ding ahiu. Ahun test tak lo phat uh le Lamka Lockdown chu um thei ta puan tin, I na chiat uh kisep in nuam tak in khawsa khawm thei ta ding ihiu .
S.Malsawm
Chief Admin |Kanam Vaiphei
15-04-2021
