*La pilna*
(Jacob 3:10-18)
Zia Bible chang sung ngun takah ka sim nawn kit le, kaki pilsak na mama kha ka ngawl le mawlna sulaang tu mai mai ahi kamu dawk chulam.
Apil pen le a he chungchuang bik ila kisakna teu kha zachat um tak ahi lam la kihe dawk ngai ta em?
Ka hetna hi kuama nuai kahi diak puai ti ah ikiletsak, ikisuan pi ten sek kha, Pathian mitmu in nuizat buk mai alahi khasek dan ahi..
Vaihawm thiam le mapui bukim gual ah iki ngaipai sek uhi i chapo etsaknau ahi zaw mai diam maw..
Pil le thiam tak tak hita maleu hin chu kuama kimuk bawkkhum, ki mit sik at chiai chuai umtalo ding hiven
Pilna diktak nei hileu hin daidan, dawisak, khenchuam neilo ah thu kitan sek di hiven maw..
Pil ikisaknau hi Chunglam apat piak pilna le hetna hileh zuau le thulem te adik gual ah latsak gaw tei tei lou ding ihiu
Pil ikisak nau hi chunglam apat pilna hileh ki ngainiam na um ta ding hiven
Pil ikisak nau hi chunglam apat piak pilna hileh ki niamkhiakna le thunuai gawlna um ta ding hiven maw
Pil ikisak nau hi Chunglam apat pilna piak hileh kochuam, pau le ham, beh le phung hi en theng mai ding aivei maw
Pil ikisak nau hi chunglam apat hileh chu mani masial na ding bep ah vaihawmna hawhi umlo ding ahi
Pil ikisak nau hi chunglam apat piak pilna hileh chu tuni tiang tiang ahin Belampu le sathau nu zosia le akai za huaite hi kihepi na ah dim ding ihiu
Pil ikisak nau hi chunglam apat piak pilna hi tamaleh chu kochuam pun belap sangin thagau mangthai hukdaw pung zaw ding hiven
Pil ikisak nau hi chunglam apat piak pilna hita maleh chu kochuam le pawl veina sangin gamthim veina hi hat mama ding hiven
Pil ikisak nau hi chunglam apat piak pilna hitamelh chu midang siatna i kophil masang un ei kimuchian in kisiam pha masa pen sek di ihiu
Pil ikisaknau hi chunglam apat pilba piak hita maleh chu thagau lem le atak hekhen theita ding ihiu
Pil ikisaknau hi chunglam apat piak pilna hita leh chu meithal chawite kiang ah i buaina teu vatut seklo ding ihiu ah?
Pil ikisak nau hi chunglam apat piak pilna hitaleh chu insung, gamsunga thisan suana le kigalna hawhi um takhel din ka gingcha puai
Pil ikisak nau hi chung lam apat piak pilna ala hita leh chu….
Ala hapsa ta ou
Chunglam apat piak pilna ahi i mamaw uh ei Christian ten.
Ziktu:
Kaplianlal Thangluai
