KHRISTIAN TE LAMDANNA THUGÛK
Azik: K. L. Muana Khaute
Redcross Road, CCpur
Khawvel pumpi’n a ngaiven leh a lauthawn Covid-19 (corona virus) pandemic hi ahi ti leu hing khial lo maithei ihiu. Zia chungchang hi issues and ideas group members te tawh ngaitua khawp ding in ka hun changtel chu ahi.
(I) Vannuai khawvel ah mithiam miching te’n a genchet thei nailo hileng Pandamic hi, Chung Pathian in a lemguat dan ah puanlat nai lo ziak ah mithiam leh miching te mudan kitânggual nai lo ahi mai diam?
(II) Mithiam miching te ngaidan leh pawmdan kilim lo kâl ah mihiam te hinkhua sulauthawng leh dengdel sak ah, kingaisiat theina ding lampang i chia thûk tak luat ziak ua malam hinkhua a phalam ah kalchawina daltu ahi khak di a lau um zaw diam?
(III) Lalpa’n a lemguatna thugûk i hiatthiam thei nailo ziak ua malam kinepna um ta lo gual ah i kitângkopi’u ah, _”malam hinkhua ah misuak zo talo ding ihiu”_ ti ah zawlnei lêmte gual ah ginchak thu mawk gen gen mai hi, thil lau um leh buaina sawn sawn tuttu a hizaw mai diam ti hi, ka ngaitua thupi mama khat chu ahi.
(IV) Khawvel ah mipil leh mithiam te mudan leh gendan tawh, _”Government in zui ding leh bawl ding ati te’u hi phatak ah zui chiat le’u hin, zia chu i damna pên uh himai ina”_ i tithei chiat mai diam?
(V) Zia’h Dan siam ah um te hi zui hak tak tak le aum hi; Himaleh zia chungsawn ah chun thununna dan zui ziakachun Pandemic apat chun suachatna hung um in tin, siamtu dawidan leh chatuan lemguat ah chun galkai ding in i kichial in i kidawisak ahi.
“`Pathian dawilo gual Dân kisiam ah, Natna hî apat kivenhim gua i hikhâk di’u vang lau umtak ahi.“`
To be contd…
