10th Sept 2022 | Kanam Vaiphei
Zillai Chongkhawzo Block in Amasa pen ding in Zillai Chungkhawzo Block Felicitation Programme hun Chungkhawzo khuan tuni chun ala mang ui. Zia hun ahin Zillai Class X & XII 2022 kum a pass te kipakpi Thilpiak naleh zillai te ading Thucha leh tilkhou na ala nei ui.
Zia hun mat sung ah hin Chief Guest in Pu V Hauchung, Ex President Zillai CCpur Block, Guest of Honour in Pu N. Satlianjoy, District Youth Officer, Imphal East, Functional President in Pu H.S. Kaiminlun Asst.Professor, Nambol L.Sanoi College te apang ui. Special Invitees in 1. Pu Hauneilal, President VPC. Gen HQ, 2. Pu Soikhanding, Ex President, Zillai Chongkhawzo Block te ahiu. Lasa thiam Nk. Elina Chongkhawzo in zala awi na le anei hi.
Tu kum 2022 hun sung a Zillai Class X & XII passed te kiang in kipakpina Certificate hawp na leh Lawiupate te apat thucha genna um in hun ala mang ui.
Zia gual a Zillai te malam ding khual a Zillai lawiupa te’n hun asiam uh hi thilpha tak ahia, adiak a Nu leh Pa te ading in thamuan um mama ding in le iki nem hi. Zillai Chawngkhawzo Damsawt Hen!
