14th March 2022 | Kanam Vaiphei
58-CHURACHANDPUR AC MIPITE CHUNG AH KIPAKTHU GENNA
Churachandpur, the 11th March, 2022
Tuchung 12th Manipur Legislative Assembly Election 2022 ah mipi palai ding ah muanngamna lei piak ziak un Lamka mipi zosiate chung in kipakthu ka gen hi.
Lawtinna I chantheina ziak uh hi kei a ding ah gim leh chawl khawksalo hial ah pang leh nasem zosiate ziak vek ahi. Lamka siamphat ding kinepna ziak in haksatna tampi I paltheng ua, Lamka siamthakna ding in maban ah panlak ding a vat nalai hi.
Lamka a cheng mipite zosia kiang ah ka hun dawt nawp chu, I chenna district uh leh I khawpi sung ua chamna, muanna leh bitna a umtheina ding leh a khantotheina ding in khut kitutua in, I lungthim uh leh I ngaituana te’u sengkhawm hitiu. Zia I lawtinna pen uhi lungthim neu pu ah, kikhenchuamna leh huhamna dawite chung ah gualzawna ahi.
Unau laigui khau khat zawm ngen I hiu ti kihiadawk thak hitiu. Mimal ah suachatna a um pua, politics ah I suachattheina ding un khat leh khat kipawimaw tua I hiu. I pankhawm tak uleh suachatna um intin, kituakna leh khantona’n hung zui ding ahi. Suapi-unaute haw, I maban ah khantona leh lawtinna ding lampi hawizaw hawl hitiu.
U-leh-nau, nu-leh-pa, lawi-leh-pai te haw, tuhun ahi I khawtang phatna ding ah panla, I sepkhawm hun uh ahi. Zia hun lemchang ah I lawtinna ding un ken le pan nasatak ah hunla ding ka hi. Pangkhawm hitin uh, talent hawi taktak I neite’u hiatphak leh chawisan kham a hung hi ngei ding ka kinem hi.
Dawisak khangthakte haw, I maban ding uh kingakna la hi ban un khawtang in a hung kisuanpi mama leh a hun ki-letsakpi la hiu. Chitna leh thiamna la neite’u in sangtak hung tut ngei ding ahi ti ka muang ngam a, I maban ding uh siamthakna ding in I theinate’u sungkhawm hitiu. Maban sangzaw tuntheina ding in pangkhawm in semkhawm chiat hitiu!
Ka inkuanpite, lawi-leh-gualte haw, ka damsung lamzawtna kawng ah nang un lei dinpi zing ua, zia bep chule hilo in, politics ah ka kalsuanna inle kei ah muanngamna la kawi ziak un ka kipak talua ahi!
Zia tiang ei mapui ziak in Pathian min ka chawisang hi. A mapuina, umpina leh malzawlna ziak ah mipite nasem thei ding ka hi ziak in, Churachandpur Assembly Constituency a ding ah kalsuan thak ding I hinau ah Pathian kiang in kitulut thak hitiu.
Lei hepinau, kithuapinau leh panpina teu zosia ziak in la leng ua chung in kipakthu ka gen hi.
For a better Lamka – Unity, Peace, and Development.
Sd/-
LM Khaute
MLA, 58-Churachandpur AC
