16th Oct 2023 | Kanam Vaiphei
Young Vaiphei Association(YVA) Gen.HQ in Vaiphei Nam bik Ambulance nei sun a siat ziak ah damlo le mang bang ah um te panpi na lam buai um tak ah um chu ngai khawk in a kin thei lam ah Ambulance October tha sung ngei a chawk ding project a la siam hi. Project Sept tha tawp ah hawn daw ahi ki pat in YVA Gen.HQ Account in tawmngai sua mi bang zat hem ten dangka ala thaw khawm ui, tu ni chan hin tawmngai sua aki belap to zel hi. Tu gual ah i tawmngai nateu a chia zawm zel nak chun October 2023 tha tawp ah chun project chu closed thei ta ding din mun in ium tau.
Ahinla tawmngai nuam hun lem chang mu thei lo te ading in tu kal 2(2weeks ) sung ah in hun lem chang ki lak gua chiat hitiu. Ei damlo ni chau a Ambulance pawi maw hilo in mite damlo nile Ambulance chu pawi maw sek ahi ziak in i Nam sung ah damlo hitan tuak te ading in neikham kham ah tawmngai la sua chu val samlo ding ahi. Na sem gim tak ah an nek chun ei sulim sek gual in i tawmngai sua dial dial nau in i Nam ading in ga thum tak sua ngei hitiu.
