2nd June 2024 | Kanam Vaiphei
VPC GHQ election um ding ahi na dung zui in zia anuai ate hi tu tiang a President leh V.President candidate hiat thei te chu ahiu.
Vaiphei Peoples’ Council (VPC) General Headquarters ah puitu thak ding têlna a hungtung ding June 11, 2024 leh um ding a hia, zia ding a chun President tet ding ah nomination paper mi 6 in a la’u. Zia te chu –
1. Pu Hauneilal, incumbent President
2. Pu/Upa P. Kamkholal, Ex-President & Ex-MDC
3. Pu Khatkhotong Baite, Ex-President
4. Pu Henlianthang Thanglet, former CEO/CCpur & Ex-MLA candidate (Singngat)
5. Pu M. Dama, Special Contractor
6. Pu/Upa Vungminthang, Ex-President YVA GHQ
Vice President ding ah candidate te chu –
1. Upa ST Liana, Ex-President YVA & Zillai GHQ
2. Pu Th Khamneithang Vaiphei, Ex-GS, VPC GHQ
3. Pu Thangkholal Baite, Convenor VVC
Nomination form hi June 5 chan piaklut thei hintin, Scrutiny hi June 6 leh um intin, ki withdraw na hun hi June 7 chan hiding a hi.
Vote nei thei ding chu fund pia khawtin hausa leh Block leh Unit ah President, Vice President leh Secretary ban ah fund pia khua In 30 zel ah Inpi palai 1 nei thei ding a hiu.
VPC khangthu ah tuchung election hi candidate tam kum pen a hia, puitu muan leh dawi um tak têldaw ngei i kinêm a hi.
*-Khawvaiphei*
