Tuni Leilon Vaiphei khua Covid19 Vaccines mi 231 kikap sak.
26th July 2021 | Kanam Vaiphei
Pu Ngamthang Haokip MLA 51-Saitu (ST) A/C wise clusters for Mass Vaccination programme na nuai in tuni 26/07/2021 chun Kangchup Geljang sub division sunga um 51/33-Leilon Vaiphei Polling station mun in mass Vaccination loting takin nei ala hi. Mi 231 te kiang in zia Covid vaccines hi buai na bang ma umlo in kap zaw thei in ala um tai.
Zia gua ah mipi ngai khawk a Vaccines Inmun ah kikap thei na ding hun buatsai tute hi Shri T.Opendro Singh, SDO, Kangchup Geljang Sub Division leh Dr.Kenedy, MO, Motbung PHC te ahiu. Kangchup Geljang block sunga mass vaccination programme loting pen le ala hi bawk ta ahi.
Zia gual ah mi tamtak kikap thei na ding ah hin Leilon Vaiphei khau Youth Club ten Covid vaccines awareness hoi tak ala nei ban un, tawile chan na lam thu in le youth club ten pan lan nasa tak ah la in tha ala sang ui ti thu hiat ahi.
