Lamka leha khaw kim leh kiang te ah Covid19 ziak ah mi tamtak in ahin nau ala chan bep uh hilo in, A dam sun tele nek leh chak ding bei dawng in tual akhuat hial tau hi. Tu tiang ah hi mu dan in, Covid ziak ah damlo ah vaki admit te sang in Damlo na nei sa te covid 19 vei atam zaw ahi. Zia ziak ah chun, I damlo na sa te ah pat Khawsik ahi em, Sungkhaw ahi em, Thachau ahi em,Kum sin ah khawsik nei sek, ti leh adang damlo na i nei te ah pat in iki enkawl phat ding ahi, Pharmacy chia ah damdoi changkhat nek ah lung muan hun ahita puai. Kua nat dan hem ah pat nang ale aki bat ziak ah amau damdoi nek ginchak ah dam ziang ding ah kiginchak hun le ahi diak ta puai. Mihoulim na leh mi neksa te ginchak ah dau ethun ahi ta lo ahi.
Tuhun ah hin, La natna neisa te ziak ah damlo na lanei ahi chun, la lungthim ah laum sak masak di pen chu, Doctor thiam khawitak ah aum diam ti gel masa pen in. Thingtang leh khual gam ah um la hi maithei, ahin,la duthu sam ding pen chu Doctor thiam ahi ding ahi- Intangpa damdoi nek bang leh pharmacy te, mitha gel daw masak hun ahi tapuai. Doctor thiam sum haksa tak ah kietsak in la va chia hamham a, La damdawi ding hun pe tu….?? ten Doctor pa damdoi zik generic/damdawi quality hoilo in ahun thenpiak ah nang la helo in, Doctor thiam dawmdawi piak nen laki kawi zing lai in la dampi lo thei hi. Private ah Doctor la nai zawlo tawp in, District Hospital Casualty ah hun sin ah kietsak thei zing ahi. Ahun tak ah Doctor lakietsak lo chun, Covid19 test chu la bawl ngai ma ding ahi.
Zia ziak chun,La natnasate ziak leh umnuamlo ah laki het chun, akin thei lam in doctor nai mai in. Chuti leh Covid19 chu ki test se ngai lo ding ahi. Doctor te leh Nurse te Covid 19 test ah a hausak na diu aum diak puai. Amau in le alo theilo te chau ahi atest sek uh. La damlo ah ahunetkawl na ding ua , la nat na hun enkawl tute la kaisawn lo na ding leh la na kha em? ti het daw na ding ahi deu tei hi. Zia ziak ah chun, la um nuamlo ahi chun, damdawi nek pai sang in Doctor thiam nai pai apha zawi. Nikhat nini lati kal in lamdiklo , kile kit theilo na lampi lam zawk ah la chia khak ding alau um hi.
