LM Khaute in Public campaign nei ding:
23rd Feb 2022 | Kanam Vaiphei
A hungtung ding February 24, 2022 (Ningani) nitaklam dak 5:30 (PM) leh YMA Hall, Hmuia Veng ah LM Khaute, JD (U) candidate, 58-Churachandpur (ST) A/C in Public campaign nei ding a hi. Zia hun matna ah H. Pauzalal, Secretary, CEC leh Ms Elwin Tombing Suante te chu puitu a pang intin uh, Evan P. Thonkhansuan in hun hawnna pauchapna nei in, Lalhmingmawia, V/Chairman CEC in vaidawn thugenna nei ding a hi.
LM Khaute a ding ah malzawl dawt piakna leh hasawtna thugenna Rev. Chungthang Thiek in nei intin, Innpi leh tribe leaders te’n thugenna a nei ding ban ua, Chairman, Rengkai Core Committee leh Chairman, New Lamka circle te’n le thugenna chawm mang ding a hiu. 58-CCpur ah JD (U) candidate LM Khaute in thugenna a neizaw phat leh Joseph Lalrothang, Adviser CEC in kipakthu genna nei intin, Upa Zamlian Tonsing in hunkhakna pauchapna mang ding a hi.
Zia hun ah lasa ding ah chial a umte chu – Tracy Ngaihching, Mangnunmawi, Mary Vaiphei, Shalomi, Jennifer leh Kappi te hiding a hiu.
-Media, Info. & Pub. Deptt.
Central Election Committee
JD (U) 58-CCpur (ST) A/C
