NALUI NATHAK IN SANG TA HEN:-
✍️ K L Muana Vaiphei
MLA (Member of Legislative Assembly) hi nuam ma ma ahi diam?
Manipur state, territorial council a tel kum 1970/2 kum vel a pat territorial council member a nei pat tuni tianga a TC/MLA member ki tel apat, ahun tai, nang uh khangthak te ahi lou leh a nuam te hung ding tau un, ti hi ka hetkhial ahi lo leh tuni tiang (2021) in um nai lou din ka ngaitua hi. Zia thu hi ka ngaitua ahi leh mipi palai a tel a um te hi tit leh titlo, ahun tai ti um mawng 2 lou mai hi ngatua kham din ka kawi hi.
Khenkhat te hi qualify khenkhat te hi phung thangtawm a kitel, leh criteria khenkhat jiak a ki tel le aum hi, ahivang titna le neilo, sep le nei lo himahleh election thu ahung git phawt leh diang vel a contest tei tei le a um hi jia haw hi I ngaitua chun mihiam te du-amna leh kiphatlam na chang ihiat lo nau alang chiana, Eden natna hipi vei ihi dan uh a ki lang chian hun tawk tai.
Zia chung chang thu ahin mimal, group, organisation, party etc ten le ahun tawk hiat ahun ta hi lo maw? (enought is enought) ti thei I um uh ngai hita lou ahem? (both intending and voters) gam leh nam na le a sem hun tawk ta thou ua, individual inchen lochen siamna, society etc le siam hun tawk thou ahiu a, khangthak te makhua di leh Khawvel kisan leh khantouna san tak tawh, pilna thiamna sang tak nei te mawpuakna kian hun hi ta lo ahi em ti hi ka ngaitua leh suangtua na ahi.. Old is gold kiti mah leh politics ahin dik bukim chet lo din ka ngaitua hi.
Khaile unau te thingdua lui le daw thak in a san gual in khanglui leader/ politician etc ten taksa leh thagau khawvel kitaitetna a ki san dungjui in sem leh bawl huntawk ta ihi jiak un khangthak te thunei leh mawpuakna I piak dawu ahun ta diam? achuti lo chun khangthak hung um jel di te Thing kidep tua a khanchem or khangthei lo kei a, a um khak a society thingkawm or khaulawm kinawk gual a masawm thei a buai na or khanchem (khangthei lo) a um sang in khangthak te panmun piak hi I society damna leh khantou na phazaw hung tut ngei ding ka ngaitua hi.
Zia achung a point khenkhat te hi ngaitua in mipi palai lui ten khangthak te panmun Kian thei na dinga mipi te aw leh young dynamic leaders te guanggalna hi za thuap a na lui na thak sansak ding in kipak tak leh Khawvel sau zaw en in kian thei chiat ta leu hing Igam leh nam hung dam in tin masawm zaw ngei di ahi….Lalpa ngil nei na leh nang ma pilna in ka gam un vai hun hawm mai in….Theophilus Zosuan.
