*KISAMSUI KHAWM HI BUKIMNA CHIKHAT AHI:*
By: K. L. Muana Khaute
Numei te hi a tangpi’n a sam or aphaksam uhi a hawi sau nuam sek un, ei mihiam te ngai leh et in a lungdam um sek hi. Zia sam mal neucha cha leh ngat chu i hung kankawp phat leh a tou bep hilo in a etlawm ma ma sek hi.
Nuimei samphek kawp hi, Mel la tak leh pawsal te mitmu ah lamdanna leh etlana pholang tu dingah siamchu hi ngei di ahia, sam hawitak ah kizut mam leh kiphek chu, ei nutsia tiang in le a kienzui vung vung mai ahi. Zia lam thu tam gen ta lo in mihiam a ding bakkai pani kizawp khawm ngei ngei di aum in ka hia.
*1. Keng chu pani ahi’n, a langkhat bep in bangma a semthei puai.*
*2. Khup le pani aum kit a, a pani’u ah pan a lak khawm lo chun a phatchuam di gual in a kimang cha thei puai.*
*3. Mit ngei hile a pani a kimatchak lo chun a lamzang ngai puai.*
*4. Nâk le pani ahi’n, a pani a kimatchak lo chun thil a tuina a hethei puai.*
*5. Lu (Head) hi le, a luchang tawh a tuak in ngaituana a matkhawm lo chun umzia a nei puai.*
*6. Kam (Mouth) hin le, tuina anei lo chun, taksa hatna ding ah bangma nekdaw a nei zo diak puai.*
*7. Mihiam ahin le, Numei leh pawsal aum ah, ahi’nla, taksa leh thagau ah kimatna anei lo chun bangma’n ga a sua diak puau.*
8. Bil hi le pani ahin apaniu a hiatna a nei gel uh chun mihing a ding matchak pawimaw tak ahi.
9. Zia mihiam a bak chuam chuam te chu Pathian in a piak Hu(hinna) chun a thunei Khum tak leh mihiam chu a thiangtho in siam tu dawidan a ngaitua sek hi. Amavang,nek leh dawn thisan Jung zam in jia mihiam a bakzam te chu khawvel dawidan thisa dan a apui phet leh sual- gitlona pawlche tak ah sem dawk sek hi
-
Zia a chung ah thil pani te hi, khat ah ahung kigawp lo ah, a sep di dawl chiat uh a sep lo phat leh siamtu lemguat chu a bukim ngai puai.
