KI HIATNA PHA By:Pu.Ginlalthuam

KI HIATNA PHA👈

Ziktu: Pu Ginlalthuam
Lalgin Inn
Mualngat Innpi
Khualzinna Gam
PO/PS: Moirang-795133.
🌟⭐💐❄⚘⭐

A masan simtute zosia hiatna giltak(deep recognised) ka hun bawl hi. Zia anuai ah te hih KI HIATNA PHA chuh ahi.
👉 Pawsal, ipa damlai in salupang a kikhel ngai puai.
👉 Azi ziak ah a nam in asawn ding bang tak ah asawn theilo pa chuh pating ahi ngai puai.
👉 Nu in pa za ngei2 ding, chuleh pa in alungsiat kumkhaw ding.
👉 Cha leh te, nu leh pa thunuai aum,nu leh pa za ngei2 ding ahi.
👉 Cha upapen(pawsal) gamngak ding, a innchuan lo hial ding ahi.
👉 Mo in a talpi leh talpu a zangei2 ding, talpi leh talpu inle a hepi ding ahi.
👉 Mo kiti hih innsung ading ah mithak ahin, athak tak ah innsung siampha chuleh susia thei ahi.
👉 Sukkhial leh genkhial a umlo thei puai maleh ki gensiat lo hial ding ahi.
👉 Numei kamthiam aphana lawm lawm e, a ziak chuh a neklo dinglai bang anek khawlaw thei hi.
👉 Innsung din mun tawh kilawm ah umchan khanchan chuleh kicheidan siam angai hi.
👉 Mi huangphal in malzawlna dawng intin, mi sumchip ahileh gensiatna chang inna.
👉 La gual sakhaupi la siam chuh nangma sakhaupi kisiam la hi.
👉 Mi phatna phatna ma ah thuk kik ding, misiatna ahile siatna ma thuk lo hial ding ahi.
👉 Pathian nam ah neilo te chuh nam vangsia ahina chung un kumtuang ahle manthaina ahi thei hi.
👉 Sa meh in katui atithei pua, khuaizu inle ka thum hih atithei diak puai maleh ki hepina hih athupi pen ahi.
👉 I hatlai nin mi a khen in, i zawnlai nin mi a gawm hi.
👉 A dawite dingin ahawilo hile asepuai.
👉 A phazaw la hiatlo chun mi nasep demdah ziang in.
👉 Pawsal azi ho leh biak(Mission) ah bekpai pa chuh THAINELO akitisek hi.
👉 Thainelo te siatsona chuh a zi thununna nuai ah khawsa inncheng te khuh ahiu. 👉…..Dawngma nei khello inle, izi ding leh ipawsal ding chuh Lalpa Pathian ei guan piaksa aum nai.
👉 Tisa nawpna kituk tang zaw hin khankhua a siam hawi thei ahi.
👉 Huk leh kidawi chak chinlo hial ding ahi.
👉 Dik tatna hin gam leh nam chuleh mani a chawisang thei hi.
👉 La chipi, la suapi la siam pitin ahileh nangma ngei kisiam piting la hi.
👉 Thisan hiat chianlo in zi leh pawsal nei him2 kin.
👉 Nei leh go lak ah thupi pen chuh damtheina ahi.
👉 Daan pumpi zaw theina chuh HEPINA ahi.
👉 I Culture, Custom ngaina, zui ham2 hih aphai, a ziak chuh i nam ichawisanna pen ahi.
👉 Kithu tuak hih mihiam ading in hinkhaw suhawitu leh kisiamphat na pha pen ahi.
👉 Lekhabu simtam hih pilna khuam dettak tawh bang ahi.
👉 Mi thada zing athou hak nuam hi.
👉 Nam khat, phung leh chang ah ki bungkhen na hin nampi liangvai na atun thei hi.
👉 Khua khat thaanmual(Cemetry) neilo hin vantang genthei/haksana atun thei hi.
👉 Khua khat ho leh biakna kawng ah kibung khen sang in, i kibat pi tawh chenkhawm apha zawi.
👉 Mihingte hin kingai thiam/kingaidam tih hih haksa isak ma ma khat uh ahin maleh agaa chuh dangka sana sangin le aman tam zaw ahi.
Kihiatna pha hih sawisel chuleh thangtawmna sanglo in, zuithei zui in, sethak thei sep tha in, mani lungthim, Pathian ei guan piak dungzui in kipumkhat takin i nam vanglai adin awle………!