26th April 2025| Kanam Vaiphei
Date 26th April 2025 zinglam dak 3 di tuan in vangsiat um tak in Pu Liakap leh Nu Thianhoiting te chenna in chu asung avan bang ma lak daw man umlo in akangtum hi.
Amun aumte apat thu aki hiat dan in Pu Liakap in V.Munlai ah um chu aki pat na hiatlo in aimut kal un meikang hung ki pan in, meikang git husa ahiat phat un amau le kintak ah tai dawk in gal in a chennau inkang chu a et thaw mai ua, Insung avan khat le lak daw man ahi ta puai. Khuasung mileh Hausa pu ten le husa ahiat phat un kidelhuan maleu meikang anasat takziak in inkangchua nai ngamhitalo in zia alim akimugual hin Pu Liakap leh Nu Thinhoitingte in chu kang vawm tai. Zia thu hi zik ahi chan hin a khua sung a YVA Unit leh Block YVA lawiupaten ve thak na nei in Khuasung Hausapu Pu Khuptinlam leh Village authority taw meeting nei in maban pan lak ding dana gen khawm uh ahi.
Vak hiat thei ding achun,Zani khan le Phaikhuathang ale Inkhat akangtum kei hi. Tulainisat akipat le Inkang hi hung um mun thimle aki lawm hi. Pilvang kheltha umlo.
