OFFICE OF THE VAIPHEI WELFARE ASSCIATION OF MIZORAM
Aizawl: Mizoram
Ref……….. Date.2.0/2./202)
To,
The Chairman/Secretary, Sialkal Range Development Council(SRDC), Aizawl, Mizoram.
Subj.: Cultural Trait chungchang
Ka Pu.
Khawngaih takin I hnena kan thu rawn thlen tur hi min lo ngaihtuah sak a, lo enchiang a, siamtha leh turin kan ngen a che,
Tun hnai-ah Sialkal Range Development Council(SRDC) chhunga khua (paruk) te village profile siam a ni a, chutah chuan a mi chengte chhinchhiahna (cultural traits) pawh siam aniin kan hria a (Kan thu hriat hi a dik loh chuan ngaihdam kan dile). Chuta record-ah chuan tih
dikloh/tihsual a awmin kan hria a, chu chu Vaiphei awm ve miah lo anga tarlan hi a ni.
Tuna kan hriat thuak ang pawhin SRDC huamchhung khua zawng zawngah hian Vaiphei hnam te kan awm veka, hetiangin:-
SI. NO. Khua Vaiphei in awm zat
1 Vaikhawtlang -54
2 Selam -50
3 Kawlbem -37
4 Mimbung -23
5 Teikhang -11
6 Hrianghmun -4
Uluk leh chiang zawkin enfiah ila chuan hei ai hian kan tam ngeiin kan ring bawk.
Hetiang a nih lai hian a chunga record/report (SRDC records on cultural traits under profiles of villages) Vaiphei te tarlan an ni miah lo hi tihsual emaw hriatsual palh vang a niin a lang a, thil a
kalthui hma a siamthat thuai a tha in kan hria.
History ah hian mi thenkhat ten thil hriatfiah loh an nei a, chu chu Vaiphei hi Paihte chipeng pakhat a ni a hriatna hi a ni. Hemi mai hi a ni lo a, thenkhat te chuan Hmar chipeng pakhat niin an sawi bawk. Mahse heng zawng zawng hi hriatsual vang a ni. Vaiphei te hi
Manipur ah te Assam ah te, Meghalaya leh Myanmar thlengin mi tam tak an awm a, chung zing ah chuan Mizoram a cheng thenkhat te chauhin khitiang ngaihdan khi an nei. A nihna diktak
zawk chu Vaiphei te hi Paihte te, Hmar te, Lusei te, etc. ang a Mizo hnam hlawm hrang hrang zinga hlawm khat kan ni a, tawng pawh a hran-a nei ngat kan ni.
Vaiphei te hian Paihte te, Hmar te, Lusei te hi kan unaute an ni tih kan hrechiang em em
a, thil engkimah inpuibawm a, tangrual tur kan ni a, chutiang chuan hun kal tawh ah pawh kan lo khawsa ho tah a ni, Tun thleng hian kan hnam unaute zingah inlahrang leh intibing zawnga awm hi a tha kan ti ngai lo. Tuna kan awmho/khawsak dan ang zel-a awm chhunzawm zel hi kan duh dan zawk a ni.
Hetiang hi thil awmzia a nih avangin hun lo la awm leh zel turah record dik, thangtharte
zirchian tlak leh inhnialnate a awm loh nan khi record/report ‘SRDC chhunga Village Profile a Cultural Traits’ siam tha leh turin kan ngen a che.
Kan ngenna hi min tihhlawhtlin sak chuan kan lawm hle ang.
(G.LIANA)
Chairmanman
(KASTE ROMALSAWMA)
