*ELECTION THAWM A UM CHENGA LICENCE MEITHAL GOVT. IN A CHAWMKHAWP SEK HI A DIKPEN AHI DIAM*
Meithal a lian a neu govt. in licence issue abawl mimal a chawk sak in, sa leh gal um hun ah govt. panpi tu zangkhai leh phachuam ahiban in mimal sa leh gal adiak ah Gam sa hang ( hills context) bu leh gamsa, ganhing te apat a thai chingte venna ding ah permit a piak uh hi ngei ding in ginchatna ka nei hi.
Malai a chun I pu leh pa teu chun govt. um nailo hun a pat sa leh galte apat kivenna ding leh bu leh thai teu gamsa a pat a venna ding un chem, heicha, thalpi, gawphel, meithal leh a dang dang a siam sek un sa leh gal( melma) te apat kivenna’n a mang ui. Chuleh, a thaichi teu venna ding in le a mang sek un, zia meithal leh galvante ziak a chun kiven hinna ah nei in inchen khawchen le nuam a sau a, sa leh gal a du chang un le matchak pawimaw pen in a mang sek un a lim ma ma ui. A chang leh khut khial chang um mahleh hiamhei a nei teu ziak un salulak, gallulak leh a chenna khawpiu venna’n a nei un tulai govt. sepai, police te’n a matchak gual in a thamuang ma mau a hi.
Tulai khawvel gamkhat leh gamkhat kido gual in nidang in le a kido sek tho ui amabo, van matchak, meithal, missile, nuclear weapon etc. sang tak tak a mat gual ua a hunlai a ding ah a mat tho uh ahi.
Abang chu hitaleh, election di ziak ah licensed gun govt. in private owners te a election thawm git a pat meithal zosia a chawm khawm ua, police station a vote sim zaw masia public te kivenna ding umlo a hinkhua mat hi lungthim a thawm hau hi. Chuleh, Thingtang lo bawl te a dinga chun a thaichi chin teu chu gamsa apat ven chu thil buai um tak ahi. Zia chung chang ahin thunei tu te’n ngaituana khat a hun nei ua lampi dang( alternative) arrangement khat ahun bawl uh chu pha ma ma ding in ka ngaitua hi.
Zia a chunga thute I gen zing lai in ngaituana khat um chu govt. hiatlo gun/black gun a dim in a um nalai a, chuleh thingnuai SoS a um lo, underground le a um chuleh gangs group tam tak le a um thei tho ui. Zia dinmun khawsa I hiziak un Arms/Guns election di sin ah CHAWMKHAWP hin phatchuamna a nei lian zaw em or Licence gun te mimal a neitu te’n a In ua a kikep zing ua bang a siatna a um lawm lawm ahem or election lai a license guns te election bang zat vei thingtang gam ah siatna a lut khangai em ti hi nguntak ah suk chian deu ka nuam hi.
Zia a chunga thu gen te kuama demna leh awimawna ahi puan ngaituana piak ding ah mi khenkhat ngaidan ka hun taklang zaw ahi. Election kum 50 val veng veng ka la maitua, heta, licence arms ziak a buaina sang in groupism ziak leh zu leh sa kham ziak a buaina um mun zaw’n ka hiai. Zia ziak a chun license guns te hi govt. in free tak a um sak mai mai leu mipi a neite a ding ah lungmuanna hi zawlo di ahem ti chu mi tam tak ngai dan ahi
