THUDIK AH DINGDET ZING LEH KINGAIHNIAM TÂK, ZILLAI

ZILLAITE HUANG……🙏

THUDIK AH DINGDET ZING LEH KINGAIHNIAM TÂK, ZILLAI
13/06/2025

Bible changtel:Thilsiam thu(Genesis)39:7-23.
✍️
Aziktu: Pu Ginlalthuam
Lalgin Inn
Mualngat Innpi
Khualzinna gam
( Land of pilgrimage)

🏅

“WHEN PEOPLE SAW A POOR PRISONER IN JOSEPH, GOD SAW A POWERFUL MINISTER OF EGYPT.
SO NEVER MIND WHAT PEOPLE SEE IN YOU”

📚🖊️

Amasan, Zillai piankum, kum 87th tiang eipui gâlkaitu Lalpa Pathian i chawihawi ahi.
Zillai ading ah thei-pa-tawp ala suah, Zillai ala gimpi, i hotu mimasa ala mualliam tate zosiah suunna tawh, ziah tiang ei pui tung ah khawvel buaina gaal lian nuai ah khawsa zing himaleu hin uhle, tukum Zillai day, Pathian leh hotute zal ah mangzo thei ah ium tau ah kipak aumma ma ziang hi.

Mi genthei leh liangvai tak himaleh a siamtu Pathian lau ah thudik ah det tak ah dingzing, kingaihniam, mi gin’umtak, Tangval melpha, Joseph in chetna haksâ tâk mai (tihsa nawp sakna) tuak in, Potiphar zi’n lûppi ding in ala zawl maleh zawlpûk zolo in suangkûl (Jail) tiang alah tângkhawloh tamaleh Lalpa Pathian a lau ziak’in, Egypt (Aigupta) gam ah CHAWNKHUANGCHUNG tichuh gualchung chuang (Governor) tiang ala tung khawlawh tah ahi. Egypt gam mipite leh a innsung mite’n, Lalpa Pathian apat malzawlna a dawn khawlawh tau ahi.
Mithudik, Pathian he’khat ziak’in innsung, khua leh tui chuleh gam leh nam in hûkdawhna leh malzawlna I dawng thei a hi.

Zillai, Zillaite, haksatna tamtak thuak pum in Pathian gam chuleh khawvel lalna, thuneina te leh minphatna te luading chuleh dawng ding tute lahiu tihih he’mil ziang puai tiu aw ! Lei taksa khawsa nalai ihih ziak’un la zilnau ah Lalpa Pathian tawh kithuah in thudik dinpih zing in kingaihniam tak leh gunchu tak in latup uh chuh mualsua leh lawtinna chang ngeih ngeih ding in hinkhawh thiangtho mangzing thei ding ah, Lalpa Pathian in lahat lai niteu hih adawih diak ahi tihih he’mil ziang kiu inla, Zillai, thahat’lai, lunggel thiangtho tak puh’zing, zawlêl leh seplah nei ngailôh te lahiu in,
thei-pa-tawp hunsua him him tiam’un, zawlel ding bangma aum puai, nunu leh papa, chuleh gam leh nam kineppi te la hiban’un, ni leh tha et’a ki’en thâzing la hiu tih kihe’mil ngaihkiu inla, nek leh châk, sil leh chen, kicheina, dangka sum leh pai, khamna thei, nun’khawnawpna (any functions) chuleh thildang dang in kisuk buai guah lou ham in mitthi pûm ah buchitûh, haksat, genthei thuak ding ah zillai la hibâk un, la’paak uh leh la’gaa uh chuh I nam mipite muthei ding tiang ah hung-pâk-vûl, hung gaasuah ngeih ngeih ding in kadawi sakna lianpen ka hun la’n ahi.

Changtel:

Ch. 9na. “Ziah Inn ah hin kei sang ah lian zawh kuah’ma a um pua’n; a zi la hi ziak’in nangma bep loh’ngal chuh kei â ding ah phallo a nei puai. Bang ziak’in em, ziah tawhbang gitlona huaisiah chuh ka bawl ah, Pathian chung ah thil ka hikhial mai ding ?” ti’in a dawnhu hi.

Pathian lau hih chitna, Pathian lau hih malzawlna, Pathian lau hih gualchung chuanna, Pathian lau hih damsawtna ahi. Zillai, la Pathian tawh hungzil khawm zing ding in aw !

LALPA PATHIAN in mihingte a pat, a ngainat pentak chuh ” THUDIK AH DINGDET LEH KINGAINIAMNA HIH AHI” tihih Zillaite huangsung ah tuni’n, ka hun tângkopi leh ka tilkhawuh nawpna lianpen tak chuh ahi.

Zillaite, ipu ipiteu mimasa officer ilah nei teu hih 95% ding vel hi Innsung genthei haksat tawpkhawk hun thuak mualsua ah ziah tiang hih ala tung thei ahiu tihih hemil puai tiu aw….!
Amau kengnung hung sawm/hungzui ding ah, alian, alal/officer lianpi pi hung hiding… Zillai’te la hiu hi, gunchuhna, tawmngaihna, kûkalna chuleh thudik ah dingdet zing in kingaihniam phawt leu chin uh, Lalpa Pathian in latup uh chuh hun sukpitin piak mai ding ahi.

Ziaziak achun……..,

Joseph gual ah tisa nawp sakna te kitutang zozing thei ding leh haksatna leh gentheinate banggual hungtung ziang lehle hun thuak mualsua chiat ding in, THUDIK AH DINGDET ZING AH KINGAIHNIAM TAK ZILLAI, a thiam, aching tamtak hung kisêpdawh theina nam vangpha tak, hung hih ding in Lalpa Pathian in Zillai’te malzawl zing tah hen.

🥇👑🥈

🌹ZILLAI DAMSAWT HEN🌾